រាជធានីភ្នំពេញ ៖ ក្នុងគោលបំណងពង្រឹងនិងពង្រីកវិសាលភាពនៃការថតរូបនិងផ្តល់ឱកាសដល់អ្នកដែលស្រលាញ់ការថតរូប ក្រុមហ៊ុន អាយគ្លីក (i-Qlick) ដែលជាតំណាងចែកចាយផលិតផលសុទ្ធម៉ាក Canon ប្រចាំប្រទេសកម្ពុជា នឹងរៀបចំកម្មវិធីប្រកួតថតរូបកាណុង ហ្វូតូម៉ារ៉ាតុង ប្រចាំកម្ពុជាឆ្នាំ ២០១៨ (Canon PhotoMarathon Cambodia 2018) ដែលកម្មវិធីនេះ គឺបើកទូលាយដល់មហាជន សិស្សានុសិស្ស ដែលស្នេហាវិស័យថតរូបឲ្យចូលរួមឲ្យបានច្រើនកុះករ ។
ព្រឹត្តិការណ៍នៃការប្រកួតថតរូបកាណុងហ្វូតូម៉ារ៉ាតុង ប្រចាំឆ្នាំ ២០១៨ (Canon PhotoMarathon Cambodia 2018) នឹងរៀបចំនៅវិទ្យាស្ថានបច្ចេកវិទ្យា (ITC) នាថ្ងៃទី២ ខែធ្នូ ឆ្នាំ២០១៨ ចាប់ពីម៉ោង៧ព្រឹកដល់ម៉ោង៩យប់ ដែលឆ្នាំនេះគឺជាឆ្នាំទី៨ហើយ ដែលកម្មវិធី PhotoMarathon ត្រូវបានរៀបចំឡើងនៅកម្ពុជា ហើយអ្នករៀបចំកម្មវិធីក៏រំពឹងថានឹងមានអ្នកសេ្នហាវិស័យថតរូបចូលរួមឲ្យបានច្រើនកុះករផងដែរ ។
លោក Eji Hirano ជាប្រធានផ្នែកកាមេរ៉ានៃក្រុមហ៊ុន Canon ប្រទេសសិង្ហបុរី មានប្រសាសន៍ឲ្យដឹងថា កម្មវិធីប្រកួតថតរូប កាណុង ហ្វូតូម៉ារ៉ាតុង ប្រចាំឆ្នាំ ២០១៨ មិនមែនត្រឹមតែជាកម្មវិធីហ្វូតូម៉ារ៉ាតុងនោះទេ តែកម្មវិធីនេះរៀបចំឡើងដើម្បីបើកឱកាសដល់អ្នកស្នេហាវិស័យថតរូប បានចូលរួមបង្ហាញស្នាដៃរបស់ខ្លួន ។
លោក Eji Hirano មានប្រសាសន៍បញ្ជាក់ថា «ប្រាកដណាស់ ការរៀបចំកម្មវិធីប្រកួតរូបថតនេះ គឺមិនមែនសម្រាប់តែអ្នកថតរូបអាជីព (professional photographers) នោះទេ តែជាកម្មវិធីបើកឱកាសដល់អ្នកស្នេហាវិស័យថតរូប មិនថាជាសិស្សានុសិស្ស អ្នកថតរូបអាជីព គឺអាចចូលរួមទាំងអស់ ។ មានន័យថា អត់បញ្ហានោះទេ បើទោះបីជាអ្នកមិនមែនជាអ្នកថតរូបអាជីព, អត់បញ្ហានោះទេ ឲ្យតែអ្នកស្រលាញ់វិស័យថតរូប ទោះប្រើកាមេរ៉ាម៉ាក់អីក៏ចូលរួមប្រកួតបាន មិនចាំបាច់តែប្រើកាមេរ៉ាម៉ាកកាណុងនោះទេ ដូច្នេះអ្នកដែលចូលរួមកម្មវិធីប្រកួតរូបថតនឹងទទូលបានទាំងការរៀនសូត្រនិងបានរង្វាន់ទៀតផង» ។
អ្វីដែលកាន់តែពិសេសមិនធ្លាប់មានពីមុនមកសម្រាប់កម្មវិធីប្រកួតថតរូបកាណុង ហ្វូតូម៉ារ៉ាតុង ប្រចាំកម្ពុជាឆ្នាំ ២០១៨ នោះគឺការរៀបចំនូវកម្មវិធីប្រកួតចំនួន ២ ផ្សេងទៀត រួមមាន (១)- PUBG ដែលមានពាក្យពេញហៅថា Player Unknown Battle Ground ដែលប្រភេទហ្គេមកំពុងទទួលបានការពេញនិយមពីសំណាក់អ្នកលេងហ្គេមទូទាំងពិភពលោក ក៏ដូចនៅប្រទេសកម្ពុជាផងដែរ ។
ចំណែកកម្មវិធីប្រកួតមួយទៀតនោះគឺ Cosplay ដែលជាកម្មវិធីដែលមានការតុបតែងខ្លួនកំសាន្ត ប្លែកៗតាមតួអង្គក្នុងរឿង Animation, Hollywood, តុក្កតា ជាដើម។ នៅថ្ងៃកម្មវិធី អ្នកចូលរួមអាចតុបតែងខ្លួនជាមួយសម្លៀកបំពាក់តាមតួអង្គ ដែលពួកគេ
ពេញចិត្ត ដោយតម្រូវឲ្យមានការរៀបចំដោយខ្លូនឯង ។ អ្នកចូលរួម ក៏អាចរីករាយជាមយយនឹងការសម្តែង Cosplayer រួមជាមួយនឹងការថតរូបលេងផងដែរ ។
សូមបញ្ជាក់ថា ព្រឹត្តិការណ៍ប្រកួតថតរូប Canon PhotoMarathon 2018 ត្រូវបានបែងចែកជាពីរប្រភេទ គឺប្រភេទសិស្សសាលា (Student Category) ដែលមានអាយុក្រោម ១៨ឆ្នាំ និងមហាជនទូទៅ ( OpenCategory) ចំពោះអ្នកទទូលជយ័លាភីទាំងអស់រួមមាន១៨ រូប ។
សូមចូលរួមទាំងអស់គ្នា ដើម្បីបញ្ចេញនូវសម្ថភាពថតរូបរបស់អ្នក។ សម្រាប់ការចុះឈ្មោះសូមចុះឈ្មោះចាប់ពីពេលនេះតទៅតាមរយៈ https://www.i-qlick.com/CPM2018/ ។ ដោយសហការ
ចែករំលែកព័តមាននេះ