រាជធានីភ្នំពេញ ៖ កម្លាំងព្រហ្មទណ្ឌខណ្ឌឫស្សីកែវសហការគ្នាជាមួយប៉ុស្តិ៍ឫស្សីកែវបានធ្វើការស្រាវជ្រាវតាមចាប់មុខសញ្ញា២នាក់ដែលវាយប្លន់យកម៉ូតូមួយគ្រឿង ដើម្បីនាំទៅអធិការដ្ឋានខណ្ឌឫស្សីកែវ ធ្វើការសួរនាំកាលពីវេលាម៉ោង៦និង៤០នាទីយប់ថ្ងៃទី៥ ខែវិច្ឆិកា ឆ្នាំ២០១៨ តាមបណ្តោយផ្លូវបេតុងនៅចំណុចបុរីមហាសេដ្ឋី ស្ថិតនៅក្នុងភូមិសាមគ្គី សង្កាត់ឫស្សីកែវ…
រាជធានីភ្នំពេញ ៖ កម្លាំងព្រហ្មទណ្ឌខណ្ឌឫស្សីកែវសហការគ្នាជាមួយប៉ុស្តិ៍ឫស្សីកែវបានធ្វើការស្រាវជ្រាវតាមចាប់មុខសញ្ញា២នាក់ដែលវាយប្លន់យកម៉ូតូមួយគ្រឿង ដើម្បីនាំទៅអធិការដ្ឋានខណ្ឌឫស្សីកែវ ធ្វើការសួរនាំកាលពីវេលាម៉ោង៦និង៤០នាទីយប់ថ្ងៃទី៥ ខែវិច្ឆិកា ឆ្នាំ២០១៨ តាមបណ្តោយផ្លូវបេតុងនៅចំណុចបុរីមហាសេដ្ឋី ស្ថិតនៅក្នុងភូមិសាមគ្គី សង្កាត់ឫស្សីកែវ ខណ្ឌឫស្សីកែវ ។
តាមប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ កាលពីវេលាម៉ោង៧យប់ថ្ងៃទី៣ ខែវិច្ឆិកា ឆ្នាំ២០១៨ ជនរងគ្រោះជាអ្នករត់ម៉ូតូឌុបម្នាក់នៅម្តុំរ៉ារថភ្លើង ផ្លូវទំនប់៧០ សង្កាត់ទួលសង្កែ១ ខណ្ឌឫស្សីកែវ ស្រាប់តែមានជនសង្ស័យ២នាក់មិនស្គាល់អត្តសញ្ញាណដើរមកធ្វើជាសួរនាំ រួចម្នាក់ទៀតក៏ដកដាវសាំម៉ូរៃមកកាប់ទៅលើជនរងគ្រោះចំនួន២កាំបិតបណ្តាលអោយរងរបួសធ្ងន់ រួចហើយជនសង្ស័យម្នាក់រត់ចូលក្នុងរ៉ារថភ្លើង និងម្នាក់ទៀតទាញម៉ូតូស្មាស វី ពាក់ស្លាកលេខ ភ្នំពេញ ១BL-៨៤៣៩ បើកចេញទៅបាត់ស្រមោល ។
រំលងបាន២ថ្ងៃ ក៏កម្លាំងជំនាញព្រហ្មទណ្ឌខណ្ឌឫស្សីកែវបានធ្វើការស្រាវជ្រាវរកជនសង្ស័យម្នាក់មិនស្គាល់ចាប់បាននៅចំណុចផ្លូវបេតុងក្នុងបុរីមហាសេដ្ឋី ក៏យកទៅសួរនាំ បាន២ទៅ៣ម៉ោងក្រោយមកក៏ស្រាវជ្រាវឈានទៅចាប់បានជនសង្ស័យម្នាក់ទៀតនៅចំណុចបឹងកក់ សង្កាត់ស្រះចក ខណ្ឌដូនពេញ ។
ក្រោយពេលឃាត់ខ្លួនបានហើយ ជនសង្ស័យទាំងនោះបានឆ្លើយសារភាពថា ពួកខ្លួនពិតជាបានធ្វើសកម្ម
ភាពវាយប្លន់យកម៉ូតូពិតមែន ហើយយកទៅបញ្ចាំចំនួន២០០ដុល្លារ ។
ក្រោយពេលកើតហេតុ ជនសង្ស័យខាងលើនេះត្រូវបានសមត្ថកិច្ចកសាងសំណុំរឿងបញ្ចូនទៅកាន់តុលាការដើម្បីចាត់ការទៅតាមនីតិវិធី ៕
ចែករំលែកព័តមាននេះ