រាជធានីភ្នំពេញ ៖ យុវជនម្នាក់ត្រូវបានកម្លាំងមានសមត្ថកិច្ចចាប់ឃាត់ខ្លួន ពេលកំពុងតែជិះម៉ូតូមួយគ្រឿងនៅតាមផ្លូវ ហើយត្រូវបានកម្លាំងល្បាតរបស់នគរបាលប៉ុស្តិ៍ទន្លេបាសាក់ ប្រទះឃើញ ដោយមានការសង្ស័យក៏ហៅសួរនាំ និង ឆែកឆេររកឃើញថ្នាំញៀនចំនួន ១កញ្ចប់តូច…
រាជធានីភ្នំពេញ ៖ យុវជនម្នាក់ត្រូវបានកម្លាំងមានសមត្ថកិច្ចចាប់ឃាត់ខ្លួន ពេលកំពុងតែជិះម៉ូតូមួយគ្រឿងនៅតាមផ្លូវ ហើយត្រូវបានកម្លាំងល្បាតរបស់នគរបាលប៉ុស្តិ៍ទន្លេបាសាក់ ប្រទះឃើញ ដោយមានការសង្ស័យក៏ហៅសួរនាំ និង ឆែកឆេររកឃើញថ្នាំញៀនចំនួន ១កញ្ចប់តូច រួមទាំងឧបករណ៍ សំរាប់ជក់មួយកំប្លេរជាប់នឹងខ្លួនផងដែរនោះ។
ការបង្ក្រាបនេះដែរបានធ្វើឡើងកាលពីវេលាម៉ោង១១និង៣០នាទីព្រឹកថ្ងៃទី៥ ខែវិច្ឆិកា ឆ្នាំ ២០១៨ នៅចំណុចខាងក្រោយផ្សារទំនើបអ៊ីអនម៉ល ផ្លូវសប៊ិត ក្នុងសង្កាត់ ទន្លេបាសាក់ ខណ្ឌចំការមន។
តាមប្រភពព័ត៌មានពីនគរបាលបានប្រាប់ឱ្យដឹងថា ជនសង្ស័យខាងលើឈ្មោះ រី សុជាតិ ភេទប្រុស អាយុ ១៨ឆ្នាំ មុខរបរជាកម្មករដឹកជញ្ជូនទំនិញអោយគេនៅតាមផ្ទះ ស្នាក់នៅហាងលក់ទំនិញមួយកន្លែង ដែលស្ថិតនៅក្នុងសង្កាត់ទន្លេបាសាក់ ខណ្ឌចំការមន មានស្រុកកំណើតនៅភូមិ ឫស្សី ឃុំបរាយ ក្រុងដូនកែវ ខេត្តតាកែវ។
មុនពេលកើតហេតុ កម្លាំងនគរបាលប៉ុស្តិ៍ទន្លេបាសាក់កំពុងតែធ្វើការដើរល្បាតនៅក្នុងភូមិសាស្ត្ររបស់ខ្លួនដូចសព្វមួយដង លុះមកដល់ចំណុចខាងលើក៏បានប្រទះឃើញជនសង្ស័យខាងលើ ជិះម៉ូតូមួយគ្រឿងម៉ាកហុងដា ធុនC125 ពណ៌ ខ្មៅ ពាក់ស្លាក លេខភ្នំពេញ១GD-៩០០៣ តែម្នាក់ឯង។
តាមប្រភពដដែលបានប្រាប់បន្តទៀតថា ពេលនោះដោយមានការ សង្ស័យកម្លាំងសមត្ថកិច្ចក៏បានហៅអោយឈប់ធ្វើការសួរនាំ និងឆែកឆេររកឃើញថ្នាំញៀនចំនូន ១កញ្ចប់តូច រួមទាំងឧបករណ៍សំរាប់ជក់មួយកំប្លេរផងដែរ ទើបឈានទោដល់ការចាប់ឃាត់ខ្លួនតែម្តង។
ក្រោយពីធ្វើការចាប់ឃាត់ខ្លួនយុវជនម្នាក់ខាងលើ រួមទាំងថ្នាំញៀនចំនួន ១កញ្ចប់តូច និង ឧបករណ៍សំប្រាប់ប្រើ ប្រាស់មួយកំប្លេរជាវត្ថុតាង ក៏បាននាំមកធ្វើការសាកសួរ និង កំណត់ហេតុ បញ្ជូនទៅកាន់ងធិការដ្ឋាននគរបាល ខណ្ឌចំការមនចាត់ការទៅតាមផ្លូវច្បាប់ជាបន្តទៀត ៕
ចែករំលែកព័តមាននេះ