អភិបាលរាជធានីភ្នំពេញ ជួបពិភាក្សាការងារជាមួយតំណាងក្រសួងកិច្ចការបរទេសនៃសាធារណរដ្ឋបារាំង
- ភ្នំពេញ
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ រួមដំណើរដោយលោក ចែម វិទ្យា ឯកអគ្គរាជទូតនៃព្រះរាជាណាចក្រកម្ពុជា…
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ រួមដំណើរដោយលោក ចែម វិទ្យា ឯកអគ្គរាជទូតនៃព្រះរាជាណាចក្រកម្ពុជា…
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ រួមដំណើរដោយលោក ចែម វិទ្យា ឯកអគ្គរាជទូតនៃព្រះរាជាណាចក្រកម្ពុជា ប្រចាំសាធារណរដ្ឋបារាំង និងគណៈប្រតិភូរដ្ឋបាលរាជធានីភ្នំពេញ បានអញ្ជើញចូលជួបសម្ដែងការគួរសម និងពិភាក្សាការងារជាមួយលោកស្រី Pauline CARMONA អនុប្រធាននាយកដ្ឋានកិច្ចការអាស៊ី និងអូសេអានី នៃក្រសួងកិច្ចការបរទេសសាធារណរដ្ឋបារាំង នាថ្ងៃទី២ ខែវិច្ឆិកា ឆ្នាំ២០១៨នេះ។
ក្នុងជំនួបពិភាក្សាការងារ លោកអភិបាលបានលើកឡើងអំពីទំនាក់ទំនងដ៏យូរអង្វែងរបស់កម្ពុជា-បារាំង ដែលបានជួយជ្រោមជ្រែងប្រទេសកម្ពុជាក្នុងការស្វែងរកសន្តិភាព និងបាន ថ្លែងអំណរគុណ ដល់រដ្ឋាភិ
បាលបារាំង ក៏ដូចជាទីក្រុងប៉ារីស ដែលបានផ្ដល់ជំនួយជាបន្តបន្ទាប់ រួមទាំងជំនួយផ្នែកហិរញ្ញវត្ថុ និងបច្ចេកទេសក៏ដូចការបណ្ដុះបណ្ដាលធនធានមនុស្សដល់រដ្ឋបាលរាជធានីភ្នំពេញក្នុងក្រមខណ្ឌកិច្ចសហប្រតិបត្តិការទ្វេភាគី នាពេលកន្លងមក។
ក្នុងឱកាសនោះលោកអភិបាល បានស្នើក្រសួងកិច្ចការបរទេសនៃសាធារណរដ្ឋបារាំង តាមរយៈលោកស្រី CARMONA និងនាយកដ្ឋានកិច្ចការអាស៊ី និងអូសេអានី បន្តការគាំទ្របន្ថែមទៀតលើកិច្ចការសហប្រតិបត្តិការទ្វេភាគី រវាងកម្ពុជា-បារាំង និងរាជធានីភ្នំពេញ-ទីក្រុងប៉ារីស ព្រមទាំងបន្តគាំទ្រលើគម្រោងនានា ដែលអាចជួយឲ្យរាជធានីភ្នំពេញអាចក្លាយជាទីក្រុងបៃតង និងទីក្រុងឆ្លាតវៃនាពេលអនាគត។
ភាគីទាំងពីរបានពិភាក្សា និងឯកភាពគ្នាលើការជំរុញគម្រោងអភិវឌ្ឍន៍ខ្សែ Tramway ក្នុងជំហានទី៣នៃការសិក្សា។ លោកស្រី CARMONA បានកោតសរសើរដល់ការអភិវឌ្ឍន៍យ៉ាងខ្លាំងក្លារបស់ព្រះរាជាណា
ចក្រកម្ពុជា និងបន្តគាំទ្រជំរុញកិច្ចសហប្រតិបត្តិការលើគម្រោងនានា និងជំរុញឲ្យអ្នកវិនិយោគបារាំងឲ្យមកវិនិយោគក្នុងរាជធានីភ្នំពេញលើវិស័យអភិវឌ្ឍន៍ទីក្រុងទេសចរណ៍បៃតង និងកសិកម្មបៃតង៕
ចែករំលែកព័តមាននេះ