រាជធានីភ្នំពេញ ៖ ដេប៉ូទិញលក់អេតចាយមួយកន្លែងស្ថិតនៅតាផ្លូវលេខ ១១១៥ ក្នុងភូមិឧកញ៉ា វ៉ាំង សង្កាត់ភ្នំពេញថ្មីខណ្ឌសែនសុខ ត្រូវបានអគ្គីភ័យឆាបឆេះបង្កអោយមានការភ្ញាក់ផ្អើលកាលពីម៉ោង១០និង៣០នាទីព្រឹកថ្ងៃទី ៥ ខែវិច្ឆិកា ឆ្នាំ២០១៨ បណ្តាលអោយរងការខូចខាតបន្ទប់ស្នាក់នៅចំនួនមួយ។
ទីតាំងទិញលក់អេតចាយខាងលើនោះស្ថិតនៅក្នុងដីឡូតិ៍លេខ ៩ ដែលមានម្ចាស់ឈ្មោះគ្រួចពិសិដ្ឋ ភេទប្រុស អាយុ៣៦ឆ្នាំ មានលំនៅស្នាក់នៅស្តង់អេតចាយខាងលើ។
ទាក់ទិនការកើតមានអគ្គីភ័យខាងលើនេះត្រូវបានម្ចាស់ដេប៉ូអោយដឹងថា បណ្តាលមកពីទុស្សេខ្សែភ្លើង នៅបន្ទប់ឡាវតឿ។
តាមម្ចាស់ដេប៉ូបានអោយនគរបាលអោយដឹងថា នៅមុនពេលកើតហេតុ គាត់កំពុងតែអង្គុយរើអេតចាយ ស្រាប់តែឮសំឡេងផ្ទុះនៅបន្ទប់ជាន់លើ ហើយគាត់ក៍បានរត់ឡើងទៅមើលឃើញភ្លើងឆាបឆេះ ។ ភ្លាមៗ គាត់ក៍បានរត់ចុះមកក្រោមវិញ យកបំពង់ទៅបាញ់ពន្លត់ដែ តែមិនអាច ទប់ស្កាត់ស្ថានការណ៍បាន។
តាមព័ត៌មានអោយដឹងទៀត ថា នៅពេលកើតហេតុខាងលើ មានអគ្គីភ័យ រថយន្តពន្លត់ អគ្គីភ័យ បានចេញទៅអន្តរាគមន៍បាញ់ពន្លត់អស់ទឹកចំនួន២គ្រឿង ហើយភ្លើងបានរលត់ ពុំបណ្តាលអោយឆេះរាលដាលទៅលំនៅឋាននៅក្បែរនោះឡើយ ។ តាមម្ចាស់ដេប៉ូបានអោយដឹងទៀតថា បន្ទប់ទំហំ៥ម៉ែត្រគុណនឹង៦ម៉ែត្រ ត្រូវភ្លើងឆេះរងការខូចខាតរួមជាមួយសម្ភារមួយចំនួនផងដែរ ៕
ចែករំលែកព័តមាននេះ