ខេត្តបាត់ដំបង ៖ គ្រោះថ្នាក់ចរាចរណ៍រវាងម៉ូតូបុកជាមួយរថយន្តបណ្តាលឱ្យរងរបួសធ្ងន់ម្នាក់ បានកើតឡើងកាលពីវេលាម៉ោង៧ព្រឹកថ្ងៃទី៤ ខែវិច្ឆិកា ឆ្នាំ២០១៨ នៅចំណុចភូមិគគីរ ឃុំភ្នំព្រឹក ស្រុកភ្នំព្រឹក ខេត្តបាត់ដំបង…
ខេត្តបាត់ដំបង ៖ គ្រោះថ្នាក់ចរាចរណ៍រវាងម៉ូតូបុកជាមួយរថយន្តបណ្តាលឱ្យរងរបួសធ្ងន់ម្នាក់ បានកើតឡើងកាលពីវេលាម៉ោង៧ព្រឹកថ្ងៃទី៤ ខែវិច្ឆិកា ឆ្នាំ២០១៨ នៅចំណុចភូមិគគីរ ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។
ជនរងគ្រោះខាងលើឈ្មោះ ម៉ៅ ធូ ភេទប្រុស អាយុ២៣ឆ្នាំ មានទីលំនៅ ឃុំបឹងរាំង ស្រុកកំរៀង ខេត្តបាត់ដំបង ជាអ្នកបើកបរម៉ូតូម៉ាកឃ្លីក ពណ៌សលាយក្រហម ។ ចំណែករថយន្តម៉ាកកាមរីបាឡែន ពណ៍ទឹកប្រាក់ ពាក់ស្លាកលេខ ភ្នំពេញ ២X-៩៥៨០ បើកបរដោយឈ្មោះ យន់ ទីន ភេទប្រុស អាយុ៦៧ឆ្នាំ ជាអាចារ្យវត្តគីរីរម្យសន្តិភាព ហៅវត្តអូរចោត មានទីលំនៅភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។
ប្រភពព័ត៌មានបានឱ្យដឹងថា បុរសម្នាក់បានបើកម៉ូតូទៅបុកគូទរថយន្តខាងលើពីក្រោយ បណ្តាលឲ្យអ្នកបើកម៉ូតូរងរបួសធ្ងន់ ហើយត្រូវបានគេបញ្ជូនទៅព្យាបាលនៅមន្ទីពេទ្យប្រតិបត្តិស្រុកសំពៅលូន ភ្លាមៗផងដែរ ។
ក្រោយកើតហេតុ សមត្ថកិច្ចបានធ្វើការវាស់វែង រួចបានយកម៉ូតូមករក្សាទុកនៅប៉ុស្តិ៍នគរបាលរដ្ឋបាលភ្នំព្រឹក ចំណែករថយន្តត្រូវបានប្រគល់ទៅឲ្យម្ចាស់យកទៅជួសជុលប្រើប្រាស់ជាបណ្តោះអាសន្នវិញ និងរង់ចាំធ្វើការដោះស្រាយគ្នាតាមនីតិវិធីនៅពេលក្រោយ ៕
ចែករំលែកព័តមាននេះ