ខេត្តកណ្តាល ៖ គូស្នេហ៍មួយគូដែលស្គាល់គ្នាយូរមកហើយ បានបបួលគ្នាដើរលេង រួចបុរសជាគូស្នេហ៍ដឹកនាងមកបន្ទប់ជួលវិញលួងលោមសុំរួមភេទ តែនាងមិនព្រម រហូតមានការចាប់បង្ខំ តែនាងបានទូរស័ព្ទទៅសមត្ថកិច្ចឲ្យមកជួយ រួចឃាត់ខ្លួនប្រុសស្នេហ៍វាយខ្នោះតែម្តង ។…
ខេត្តកណ្តាល ៖ គូស្នេហ៍មួយគូដែលស្គាល់គ្នាយូរមកហើយ បានបបួលគ្នាដើរលេង រួចបុរសជាគូស្នេហ៍ដឹកនាងមកបន្ទប់ជួលវិញលួងលោមសុំរួមភេទ តែនាងមិនព្រម រហូតមានការចាប់បង្ខំ តែនាងបានទូរស័ព្ទទៅសមត្ថកិច្ចឲ្យមកជួយ រួចឃាត់ខ្លួនប្រុសស្នេហ៍វាយខ្នោះតែម្តង ។ ហេតុការណ៍នេះ កើតឡើងកាលពីថ្ងៃទី២ ខែវិច្ឆិកា វេលាម៉ោង៩និង៤៣នាទីយប់ នៅបន្ទប់ជួលស្ថិតក្នុងឃុំសិត្បូ ស្រុកស្អាង ។
លោក សេង សុជាតិ អធិការនគរបាលស្រុកស្អាង បានឱ្យដឹងថា នារីរងគ្រោះអាយុ២២ឆ្នាំជាកម្មការិនីរោងចក្រ មានទីលំនៅក្នុងឃុំក្រាំងយ៉ូវ ស្រុកស្អាង បច្ចុប្បន្នស្នាក់នៅបន្ទប់ជួលក្នុងឃុំសិត្បូ ។ ចំណែកបុរសជាគូស្នេហ៍ឈ្មោះ ឡេង គឹមលាង អាយុ២៩ឆ្នាំ ជាកម្មករបេះស្វាយ និងមានទីលំនៅក្នុងឃុំស្វាយប្រទាល ស្រុកស្អាង ។
លោកអធិការបញ្ជាក់ថា កាលពីវេលាម៉ោង៦ និង៣០នាទីល្ងាចថ្ងៃទី២ ខែវិច្ឆិកា បុរសឈ្មោះឡេង គឹមលាង បានឌុបនាងជាសង្សារតាមម៉ូតូពីឃុំស្វាយប្រទាល មកបន្ទប់ស្នាក់នៅរបស់នាងក្នុងឃុំសិត្បូ ។ ពេលទៅដល់បន្ទប់ជួល នាងបានមកក្រៅទិញមី២កញ្ចប់ឆុងហូបជាមួយគ្នាជាធម្មតា រួចហើយឈ្មោះ ឡេង គឹមលាង ក៏បាននិយាយលួងលោមអង្វរសុំរួមរ័ក ប៉ុន្តែនាងមិនព្រម ទោះបីសន្យានឹងគ្នាក្តី ព្រោះមិនទាន់រៀបការ ។ ដោយសារតែការទទូចដដែល នាងក៏ដេញឈ្មោះ គឹមលាង ឲ្យទៅផ្ទះ ។ ឯឈ្មោះ គឹមលាង ក៏ចូលបន្ទប់ទឹកលុបមុខ បន្ទាប់មកទៅងូតទឹកហើយពេលចេញមកវិញស្លៀកតែខោទ្រនាប់ ដើរមកដាក់គន្លឹះទ្វារបន្ទប់ ដែលពេលនោះ គឺវេលាម៉ោង៩និង៤៣នាទីយប់ ។
ដោយឃើញប្រុសស្នេហ៍ប្រុងបង្ខំនាងរួមរ័កធ្វើឲ្យនាងភិតភ័យយ៉ាងខ្លាំង ក៏ស្រែកឱ្យគេជួយតែគ្មានអ្នកណាឮទេ ។ ភ្លាមនោះ ឈ្មោះ ឡេងគឹមលាង យកដៃខ្ទប់មាត់នាងហើយ ក៏បានប្រវាយប្រតប់គ្នាលើការ៉ូ ។ ដោយទ្រាំពុំបាន នាងក៏អង្វរថានឹងព្រមប្រគល់ខ្លួនឲ្យ ទើបជនសង្ស័យយល់ព្រមលែងចាប់បង្ខំ ហើយភ្លាមៗនោះនាងក៏ទូរស័ព្ទទៅសន្តិសុខឈ្មោះ ឈួន ឆន ថា មានគេចាប់រំលោភនាងក្នុងបន្ទប់ ។
ពេលប្តឹងហើយ នាងបានច្រានឈ្មោះ ឡេង គឹមលាង ចេញនិងស្ទុះបើកគន្លឹះទ្វាររត់សំដៅមកកន្លែងសន្តិសុខរោងចក្រឲ្យជួយខ្លួន ។ ក្រោយពេលទទួលបានព័ត៌មានខាងលើ នគរបាលប៉ុស្ដិ៍សិត្បូបានទៅអន្តរាគមន៍ដល់កន្លែងកើតហេតុ ធ្វើការនាំខ្លួនឈ្មោះ ឡេង គឹមលាង មកប៉ុស្តិ៍នគរបាលដើម្បីសាកសួរ ។
នៅវេលាម៉ោង១០និង៥៨នាទីព្រឹកថ្ងៃទី៣ខែវិច្ឆិកា លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្ត បានបញ្ជាឲ្យឃាត់ខ្លួនជនឈ្មោះ ឡេង គឹមលាង ដើម្បីបន្តអនុវត្តតាមនីតីវិធី ៕
ចែករំលែកព័តមាននេះ