សារព័ត៌មានបរទេសកាលពីពេល ថ្មីៗកន្លងមក ផ្សាយថា ក្រុមអ្នកស្រាវជ្រាវពីមហាវិទ្យាល័យ Stanford សហរដ្ឋអាមេរិកបានបង្ហាញលទ្ធផលស្រាវជ្រាវនៅក្នុងឯកសារ «PNAS» ថា «ថាំងឆៅ» ឬ«ផ្សិតដង្កូវ» ខណៈពេលជនជាតិទីបេហៅថា «រដូវរងាជាដង្កូវ រដូវក្ដៅជាស្មៅ» កំពុងជិតផុតពូជពីតំបន់ភ្នំដ៏ខ្ពស់នៅប្រទេសចិន ប៊ូតង់ នេប៉ាល់ និងឥណ្ឌា ។
នៅក្នុងថាំងឆៅ មានបរាសិតមួយប្រភេទ អាចរស់បានដូចវត្ថុមានជីវិតដូចពពួកបរាសិតជាច្រើនប្រភេទនៅទូទាំងពិភពលោក មានតម្រុយនឹងផុតពូជប្រហែល១ភាគ៣នៃចំនួនសរុបតែក្នុងរយៈពេលប៉ុន្មានឆ្នាំខាងមុខ ។
ថាំងឆៅជារបស់ដ៏កម្រ និងមានតម្លៃខ្ពស់ធ្វើឲ្យពលរដ្ឋទូទៅហៅថា «មាសនៅភ្នំហិម៉ាល័យ» (Himalaya Gold) ។ ស៊ុបថាំងៅ ជាអាហារម្យ៉ាងជួយប៉ូវកម្លាំង និងសមត្ថភាពផ្លូវភេទមានដាក់លក់នៅក្រុងឡាស់វ៉េហ្គាស សហរដ្ឋអាមេរិក មួយចានថ្លៃ៦៨៨ដុល្លារ ទោះបីជាប្រើថាំងឆៅត្រឹមតែ៧ក្រាមក៏ដោយ ។
បច្ចុប្បន្នថាំងឆៅ នៅភ្នំហិម៉ាល័យមានមនុស្សជាច្រើនសែននាក់នាំគ្នារកជីក ។ ការលក់ថាំងឆៅនៅលើពិភពលោកមានតម្លៃដល់ទៅ១,១ម៉ឺនលានដុល្លារ ។ ប្រភពរកចំណូលពីការលក់ថាំងឆៅនៅភ្នំហិម៉ាល័យមានជាច្រើនម៉ឺននាក់ ធ្វើឲ្យមនុស្សជាច្រើននៅលើលោកចាប់អារម្មណ៍ ៕
ចែករំលែកព័តមាននេះ