ពួនស្ទាក់តាមរុករកក្រុមចិនទាំងនេះ ៦ករណីនៅទីតាំងផ្សេងគ្នា
- ព្រះសីហនុ
ខេត្តព្រះសីហនុ ៖ លោកឧត្តមសេនីយ៍ត្រី ស៊ុន សុផាត ស្នងការរងទទួលផែនប្រឆាំងបទល្មើស បានបានឲ្យដឹងថា នៅថ្ងៃទី១និងទី២ ខែវិច្ឆិកា ឆ្នាំ២០១៨…
ខេត្តព្រះសីហនុ ៖ លោកឧត្តមសេនីយ៍ត្រី ស៊ុន សុផាត ស្នងការរងទទួលផែនប្រឆាំងបទល្មើស បានបានឲ្យដឹងថា នៅថ្ងៃទី១និងទី២ ខែវិច្ឆិកា ឆ្នាំ២០១៨ កន្លងមកនេះ កម្លាំងនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តព្រះសីហនុ សហការជាមួយកម្លាំងនគរបាលអធិការដ្ឋានក្រុងព្រះសីហនុឆ្មក់ពួនស្ទាក់រុករក និងបង្ក្រាបបទល្មើសគ្រឿងញៀនបានបានចំនួន៦ករណីនៅទីតាំងផ្សេងគ្នា និងឃាត់ខ្លួនជនសង្ស័យជាជនជាតិចិនបាន ចំនួន៧នាក់ ព្រមទាំងដកហូតបានថ្នាំញៀនបានជាច្រើនកញ្ចប់។
លោកឧត្តមសេនីយ៍ត្រីយ៍ស៊ុន ស៊ុន សុផាតបានបន្តឲ្យដឹងទៀតថា ករណីទី១-បានកើតឡើងកាលពីវេលាម៉ោង៣ទៀបភ្លឺថ្ងៃទី១ ខែ វិច្ឆិកា ឆ្នាំ២០១៨ ខណ:ដែលកម្លាំងនគរបាលការិយាល័យជំនាញនិងកម្លាំងនគរបាលអធិការក្រុង បានដាក់កម្លាំងពង្រាយនៅតាមចំណុចផ្លូវសង្សយ័ដើម្បីត្រួតពិនិត្យរកបទល្មើសបានឈានដល់ការឃាត់ខ្លួនជនជាតិចិនម្នាក់នៅមុខផ្សារលើក្រុងព្រះសីហនុ ដែលជនសង្ស័យឈ្មោះ Wu Yin Chang ភេទប្រុស អាយុ៣០ឆ្នាំ មុខរបរ ចុងភៅ។ នៅពេលសមត្ថកិច្ចឃាត់ខ្លួនដកហូតបាន ម្សៅក្រោម
ពណ៌ស សង្ស័យជាសាធាតុញៀនចំនួន០៣ កញ្ចប់។
ករណីទី២- កាលពីវេលាម៉ោង៤និង១០ នាទីថ្ងៃទី១ ខែវិច្ឆិកា ឆ្នាំ២០១៨ ស្ថិតនៅ ភូមិ៤ សង្កាត់លេខ០៤ ត្រង់ចំណុចតោ២ សមត្ថកិច្ចបានឃាត់ខ្លួនជនសង្ស័យម្នាក់ជាជនជាតិចិនឈ្មោះ Fan Yong ភេទប្រុស អាយុ៣០ឆ្នាំ មុខរបរមិនពិតប្រាកដ ដកហូតបាន ម្សៅក្រោមពណ៍សថ្លាសង្ស័យជាសាធាតុញៀនចំនួន០២ កញ្ចប់ ជញ្ចីងថ្លឹងថ្នាំ០១ និងទូស័ព្ទ ០២គ្រឿង។
ករណីទី៣-កាលពីវេលាម៉ោង៧និង១៥ នាទីយប់ថ្ងៃទី១ ខែវិច្ឆិកា ឆ្នាំ២០១៨ ស្ថិតនៅ ក្រុម២ ភូមិ៤ សង្កាត់លេខ៤ ក្រុងព្រះសីហនុ ឃាត់ខ្លួនជនសង្ស័យជាជនជាតិចំនួន២នាក់ ម្នាក់ឈ្មោះ Li QUi Zhi ភេទប្រុស អាយុ២៦ឆ្នាំ មុខរបរមិនពិតប្រាកដ និងដកហូតបាន ម្សៅក្រោមពណ៍សថ្លាសង្ស័យជាសាធាតុញៀន៩កញ្ចប់ និង ថ្នាំគ្រាប់ WY ១ កញ្ចប់ (៥គ្រាប់) ទូរស័ព្ទ ១គ្រឿង។
និងម្នាក់ទៀតឈ្មោះ Xia zhuo ភេទប្រុស អាយុ២០ឆ្នាំ មុខរបរមិនពិតប្រាកដ ចាប់បានថ្នាំញៀន២ កញ្ចប់តូច ទូរស័ព្ទ២គ្រឿង និងរថយន្ត ១គ្រឿង។
ករណីទី៤-កាលពីវេលាម៉ោង៧និង៥៥នាទីយប់ថ្ងៃទី១ ខែវិច្ឆិកា ឆ្នាំ២០១៨ ស្ថិតនៅ ក្រុម៩ ភូមិ១ សង្កាត់លេខ៣ ក្រុងព្រះសីហនុ ឃាត់ខ្លួនជនសង្ស័យជាជនជាតិម្នាក់ ឈ្មោះ Aa Dong ភេទប្រុស អាយុ២៨ឆ្នាំ មុខរបរ មិនពិតប្រាកដកហូតយកបានថ្នាំញៀន ១កញ្ចប់តូច និងថ្នាំគ្រាប់ WY១ គ្រាប់ ។
ករណីទី៥-វេលាម៉ោង៩និង ៣៥នាទីយប់នៅថ្ងៃទី១ ខែវិច្ឆិកា ឆ្នាំ២០១៨ ស្ថិតនៅក្រុម៩ ភូមិ១ សង្កាត់លេខ៣ ក្រុងព្រះសីហនុ ឃាត់ខ្លួនបានជនសង្ស័យជាជនជាតិចិនម្នាក់ឈ្មោះ Lei Lin ភេទប្រុស អាយុ៣០ឆ្នាំ មុខរបរមិនពិតប្រាកដក ហូតបានថ្នាំញៀនចំនួន២កញ្ចប់ ។
ករណីទី៦-កើតឡើងកាលពីវេលាម៉ោង១និង២០នាទីថ្ងៃទី២ ខែ វិច្ឆិកា ឆ្នាំ២០១៨ ស្ថិតនៅ ក្រុម១២ ភូមិ២ សង្កាត់លេខ២ ក្រុងព្រះសីហនុ បានឃាត់ខ្លួនជនសង្ស័យជាជនជាតិម្នាក់ឈ្មោះ Yiang Lin Fei ភេទប្រុស អាយុ២៨ ឆ្នាំ មុខរបរមិនពិតប្រាកដ និងដកហូតយកបានថ្នាំញៀន៦កញ្ចប់។
ជនជាតិចិនប្រព្រឹត្តបទល្មើសគ្រឿងញៀនទាំង៧នាក់ខាងលើនេះ សមត្ថកិច្ចជំនាញបានកសាងសំណុំរឿងតាមនីតិវិធីបញ្ជូនទៅ សាលាដំបូងខេត្ត ដើម្បីចាត់ការតាមច្បាប់៕
ចែករំលែកព័តមាននេះ