ខេត្តកំពង់ចាម ៖ អគារសិក្សាមួយខ្នងសាងពីបេតុងមានចំនួន៥បន្ទប់ នៅសាលារៀនបឋមសិក្សាព្រែកព្រះអង្គ ស្ថិតនៅឃុំព្រែកបាក់ ស្រុកស្ទឹងត្រង់ អំណោយដោយរបស់អង្គការជប៉ុន Global Construction Union ត្រូវបានដាក់សម្ពោធឲ្យប្រើប្រាស់ នាព្រឹកថ្ងៃទី០៣ វិច្ឆិកា ២០១៨ ។ អមដំណើរដោយលោក Miura Daisuke លោកSasaki Yuka និងលោកស្រីម៉ៃវ៉ា ជនជាតិជប៉ុន ។
លោក NAKAMURA សប្បុរសជនជប៉ុន ឲ្យដឹងថា សម្រាប់ថវិកាដែលបានមកនេះ ដោយសារតែការរ៉ៃអង្គាសលុយជាច្រើននាក់នៅប្រទេសជប៉ុន ដើម្បីយកមកជួសជុលអគារសិក្សាបេតុង០១ខ្នងខាងលើ មានទោងសម្រាប់ក្មេងជិះលេង ក្តាររំអិល ប្រដាប់បាស់បឺក បន្ទប់ទឹក ។ រូបលោកនឹងមិត្តរួមដំណើរមកជាមួយជាច្រើននាកពិតជាមានក្តីសប្បាយរីករាយ នៅក្នុងកម្មវិធីសម្ពោធនេះ ។
ពេលទទួលបានអគារសិក្សាថ្មីហើយនោះប្អូនៗត្រូវប្រឹងរៀនសូត្រ និងចេះសំអាតបរិស្ថានក្នុងសាលារៀន ដោយសារតែមើលឃើញពីការសន្យារបស់ប្អូនៗនោះ រូបលោកពេលត្រឡប់ទៅមាតុប្រទេសវិញ និងកៀងគរថវិការមកជួយកសាង ឬជួសជុលសមិទ្ធផលក្នុងសាលារៀនបន្ថែមទៀត។
លោក ថៃ ម៉េងគី នាយកសាលារៀនបឋមសិក្សាព្រែកព្រះអង្គ ឲ្យដឹងថា អគារសិក្សានៅក្នុងសាលារៀនមានចំនួន៣ខ្នង បេតុង២ខ្នង និងឈើ១ខ្នង មានសរុបចំនួន១៤បន្ទប់ ក្នុងនោះអគារទី០១បានកសាង ដោយលោក ម៉ិច មឿន និងលោកស្រី ធ្វើពីឈើប្រក់ក្បឿងក្នុងអំឡុងឆ្នាំ១៩៨៨ ។
អគារទី២ កសាងដោយមូលនិធីសង្គម ១ខ្នងមាន៥បន្ទប់ធ្វើពីបេតុងប្រក់ក្បឿង បង្គន់អនាម័យចំនួន០២បន្ទប់ឆ្នាំ២០០០។ អគារទី៣ កសាងដោយសម្តេចតេជោសែន ០១ខ្នងស្មើ០៥បន្ទប់ពីបេតុងប្រក់ក្បឿងនៅឆ្នាំ២០០៣ ។
លោកលី ម៉េងសាន ប្រធានមន្ទីរអប់រំយុវជននិងកីឡាខេត្តមានប្រសាសន៏ថា ថវិកាដែលបានមកជួសជុលអគារសិក្សាខាងលើនេះ ពិតជាបានមកដោយសារការរៃអង្គាសនៅប្រទេសជប៉ុន ក្នុងនាមប្រធានមន្ទីរសូមគាំទ្រចំពោះសកម្មភាពមនុស្សធម៌នេះ ។ ថ្វីត្បិតប្រទេសជប៉ុនជួបនឹងគ្រោះធម្មជាតិញឹកញាប់តែដោយមានចំណងសាមគ្គីភាពល្អជាមួយកម្ពុជា នូវតែបន្តជួយកសាងអគារសិក្សាតាមរយៈលោក ហ៊ន់ ស៊ាងហុង អតីតនិស្សិតឆ្នើមនៅប្រទេសជប៉ុន ។
លោកលី ម៉េងសាន ប្រធានមន្ទីរអប់រំខេត្តរំលឹកថា ប្រទេសជប៉ុនកន្លងទៅធ្លាប់បានជួបនឹងភ្លើសង្គ្រាមដោយមានការទម្លាក់គ្រាប់បែកអាតូមិច លើទីក្រុងហ៊ីរូស៊ីម៉ា បណ្តាលឲ្យមនុស្សស្លាប់និងរងរបួសយ៉ាងច្រើន។បន្ទាប់មកយុវជនយុវនារីជប៉ុនបានប្រឹងប្រែងរៀនសូត្រ មានអ្នកចេះដឹងច្រើនសំបូរធនធានមនុស្សនោះមកដល់សព្វថ្ងៃជប៉ុន ក្លាយទៅជាប្រទេសអ្នកមាននៅលើពិភពលោក
សូម្បីតែរបស់ប្រើប្រាស់ដែលផលិតនៅជប៉ុនសុទ្ធសឹងមានគុណភាពល្អទៀតផង ។ រូបលោកស្នើសុំឲ្យសប្បុរសជនជប៉ុនបន្តជួយកសាងអគារសិក្សាថ្មី០១ខ្នង នៅសាលារៀនព្រែកព្រះអង្គ មានកំពស់ផុតពីទឹកកាន់តែប្រសើរ៕
ចែករំលែកព័តមាននេះ