ចង់កែតម្រូវបញ្ហាអ្វីមួយ ត្រូវធ្វើតាមគំនិតដ៏ត្រឹមត្រូវរបស់ព្រះសម្ពុទ្ធពោលគឺ អរិយសច្ចៈ ព្រោះ អរិយសច្ចៈនេះជាគំនិតពិសេសមួយដែលមានលក្ខណៈគ្រប់ជ្រុងជ្រោយ និងជាបែបវិទ្យាសាស្ត្រដែលកំពុងអនុវត្តនាពេលសព្វថ្ងៃនេះ ។ គំនិតពិសេសទាំង៤នោះគឺៈ ១-ពិនិត្យមើល សិក្សា…
ចង់កែតម្រូវបញ្ហាអ្វីមួយ ត្រូវធ្វើតាមគំនិតដ៏ត្រឹមត្រូវរបស់ព្រះសម្ពុទ្ធពោលគឺ អរិយសច្ចៈ ព្រោះ អរិយសច្ចៈនេះជាគំនិតពិសេសមួយដែលមានលក្ខណៈគ្រប់ជ្រុងជ្រោយ និងជាបែបវិទ្យាសាស្ត្រដែលកំពុងអនុវត្តនាពេលសព្វថ្ងៃនេះ ។ គំនិតពិសេសទាំង៤នោះគឺៈ
១-ពិនិត្យមើល សិក្សា សាកល្បង ឱ្យបានច្បាស់លាស់ ថាតើជំងឺនេះមានលក្ខណៈ អាការៈដូចម្តេចហើយ តើជាជំងឺអ្វី ហៅថាទុក្ខអរិយសច្ចៈ។
២-ស្រាវជ្រាវរកមើលនូវមូល ឫសគល់ ដើមចមដែលនាំឱ្យបញ្ហានេះកើតមានឡើង ដូចជាគ្រូពេទ្យដែលត្រូវរកមូលហេតុនៃជំងឺឱ្យបានច្បាស់លាស់ មុននឹងរើសថ្នាំដែលត្រូវនឹងជំងឺយកទៅព្យាបាល ហៅថា សមុទយអរិយសច្ចៈ។
៣-តាំងគោលដៅ គោលបំណង ឬសភាវៈ ដែលមិនមានបញ្ហាឱ្យបានច្បាស់លាស់ ដូចជាគ្រូពេទ្យដែលដឹងថា ជំងឺនេះអាចព្យាបាលជាបាន ហៅថា និរោធអរិយសច្ចៈ។
៤-ជ្រើសរើសផ្លូវដែលត្រូវដែលស័ក្តិសមទៅនឹងបញ្ហា ត្រៀមយុទ្ធវិធី និងវិធីការពារ ដើម្បីដោះស្រាយបញ្ហា ឧបមាដូចជាគ្រូពេទ្យជ្រើសរើសថ្នាំដែលត្រូវនឹងជំងឺមកព្យាបាល ហៅថា មគ្គសច្ចៈ ។
អរិយសច្ចៈទាំង៤នេះជាផ្លូវនាំទៅរកសេចក្តីចម្រើន និងមានលក្ខណៈបែបវិទ្យាសាស្ត្រដែលកំពុងត្រូវបានយកមកអនុវត្តនាពេលសព្វថ្ងៃនេះផង ។ ការធ្វើតាមអរិយសច្ចៈឱ្យបានគ្រប់ជ្រុងជ្រោយនឹងបានទទួលផលភ្លាមៗ មិនចាំបាច់រង់ចាំជាតិក្រោយទេ ។
ចែករំលែកព័តមាននេះ