រាជធានីភ្នំពេញ ៖ ដេប៉ូទិញលក់អេតចាយមួយកន្លែងត្រូវអគ្គីភ័យឆាបឆេះមួយកំណាត់ផ្នែកខាងក្រោយទាំងស្រុង បង្កភ្ញាក់ផ្អើលដល់ប្រជាពលរដ្ឋ និងសមត្ថកិច្ចកាលពីម៉ោង២និង៣០នាទីរសៀលថ្ងៃទី៣ វិច្ឆិកា ២០១៨ នៅផ្លូវលំក្រុមទី៦ ភូមិអូរបែកក្អម សង្កាត់អូបែកក្អម…
រាជធានីភ្នំពេញ ៖ ដេប៉ូទិញលក់អេតចាយមួយកន្លែងត្រូវអគ្គីភ័យឆាបឆេះមួយកំណាត់ផ្នែកខាងក្រោយទាំងស្រុង បង្កភ្ញាក់ផ្អើលដល់ប្រជាពលរដ្ឋ និងសមត្ថកិច្ចកាលពីម៉ោង២និង៣០នាទីរសៀលថ្ងៃទី៣ វិច្ឆិកា ២០១៨ នៅផ្លូវលំក្រុមទី៦ ភូមិអូរបែកក្អម សង្កាត់អូបែកក្អម ខណ្ឌសែនសុខ។
ម្ចាស់ទីតាំងឈ្មោះ ញឹក ឆាលី ភេទប្រុស អាយុ ៣៥ឆ្នាំ មុខរបរទិញលក់អេតចាយ ស្នាក់នៅ ក្រុមទី៦ភូមិអូរបែកក្អម សង្កាត់អូបែកក្អមខណ្ឌសែនសុខ មានស្រុកកំណើតភូមិ គោកចក ឃុំគោកចក ស្រុកកំពង់ត្របែកខេត្តព្រៃវែង។
តាមសំដីម្ចាស់ទីតាំងបានឲ្យដឹងថា នៅមុនកើតហេតុ ក្រុមគ្រួសារគាត់បានអង្គុយនិយាយគ្នាលេងជាមួយអ្នកជិតខាងនៅផ្នែកខាងមុខផ្ទះ ស្រាប់តែពេលនោះបានឮសំឡេងប្រជាពលរដ្ឋក្នុងភូមិស្រែកថា «ភ្លើងឆេះផ្ទះៗ» ។
ពេលនោះគាត់ក្រឡេកទៅក្រោយផ្ទះ ស្រាប់តែឃើញអណ្តាតភ្លើងឆាបឆេះពេញទំហឹងទៅហើយ ក៏នាំគ្នាជញ្ជូនអីវ៉ាន់រត់ចេញ ហើយអ្នកជិតខាងខ្លះជួយអន្តរាគមន៍ទាញទុយោទឹកមកជួយបាញ់ពន្លត់ និងប្រជាពលរដ្ឋខ្លះប្តឹងសមត្ថកិច្ចមូលដ្ឋានដើម្បីហៅរថយន្តពន្លត់អគ្គីភ័យមកជួយអន្តរាគមន៍ តែអ្វីដែលសោកស្តាយអគ្គីភ័យឆាបឆេះឥវ៉ាន់ស្ទើទាំងស្រុងទៅហើយ។
ក្នុងហេតុការណ៍គ្រោះអគ្គីភ័យឆាបឆេះខាងលើនេះ គេមិនទាន់ដឹងពីមូលហេតុពិតប្រាកដឡើយ ក្នុងនោះគេសង្កេតឃើញរថយន្តពន្លត់អគ្គីភ័យបានចេញទៅអន្តរាគមន៍ដល់គោលដៅខាងលើចំនួន៥គ្រឿងភ្លាមៗដែរ តែបានប្រើអស់ទឹកតែមួយរថយន្តទេ ព្រោះភ្លើងបានរលត់អស់ទាំងស្រុង ហើយក្នុងហេតុការណ៍នេះមិនបណ្តាលអោយមានអ្នករងរបួសឡើយ គ្រាន់តែខូចខាតទ្រព្យសម្បត្តិក្នុងផ្ទះស្ទើរទាំងស្រុង៕
ចែករំលែកព័តមាននេះ