រាជធានីភ្នំពេញ ៖ រថយន្តម៉ាកហ៊ីយ៉ាន់ដាយរបស់ក្រុមហ៊ុនអគ្គិសនីមួយគ្រឿងបានជ្រុលចង្កូតទៅបុកធុងជ័រដាក់ដីខ្សាច់ដើម្បីការពារសុវត្ថិភាពអ្នកដំណើរនៅបង្គោលខ្សែកាបកណ្តាលផ្លូវ ខណៈដែលរថយន្តនោះខូចដែលត្រូវរថយន្តស្ទួចសណ្តោងឈប់ស្តុប ។ គ្រោះថ្នាក់នេះពុំបណ្តាយអោយមនុស្សរងរបួសឡើយ បង្កការភ្ញាក់ផ្អើលកាលពីម៉ោង០៧ព្រឹក ថ្ងៃទី០៣ វិច្ឆិកា ឆ្នាំ២០១៨ នៅផ្លូវណតប្រ៊ិដត៍ កែងភ្លើងស្តុប២០០៤ ភូមិទ្រុងមាន់ សង្កាត់អូរបែកក្អម ខណ្ឌសែនសុខ ។
រថយន្តទៅបុកធុងជ័រដាក់ដីខ្សាច់ការពារអ្នកដំណើមិនអោយគ្រោះថ្នាក់ម៉ាកហ៊ីយ៉ាន់ដាយ ពណ៌ខៀវ ពាក់ផ្លាកលេខ ភ្នំពេញ 2O-1464 ចំណែករថយន្តអូសខាងមុខប្រភេទសន្ទូច ពណ៌លឿង ពាក់ផ្លាកលេខ ភ្នំពេញ 3A-7150 ។
តាមសាក្សីបានឲ្យដឹងថា មុនកើតហេតុបានឃើញរថយន្ត២គ្រឿងខាងលើសណ្តោងគ្នាតាមផ្លូវណតប្រ៊ិដត៍ក្នុងទិសដៅពីជើងទៅត្បូង ខណៈមកដល់កន្លែងកើតដែលជាចំណុចស្តុបរថយន្តស្ទួចក៏បានឈប់ស្តុប ស្រាប់តែឃើញរថយន្តដែលត្រូវគេសណ្តោងរ៉េចង្កូតមកឆ្វេងដៃទៅបុកធុងជ័រដាក់ដីខ្សាច់របស់សាលារាជធានីភ្នំពេញដាក់បាំងសំរាប់ការពារសុវត្ថិភាពអ្នកដំណើរបុកបង្គោលភ្លើងនៅកណ្តាលផ្លូវ ។ នៅក្នុងគ្រោះថ្នាក់បណ្តាលអោយរថយន្តនោះបុកផ្ទប់បង្គោលរងការខួចខាត ។ ចំណែករថយន្តអូសសន្ទូច ពណ៌លឿង បានខ្ទាតទៅម្ខាងសំណាងល្អមិនមានប៉ះពាល់ដល់អ្នកដំណើរឡើយ ។
តាមសំដីអ្នកបើកបានឲ្យដឹងថា នៅព្រឹកនោះរថយន្តខូចហើយរថយន្តស្ទួចសណ្តោងយកទៅធ្វើការ ខណៈមកដល់ចំណុចភ្លើងស្តុបបានទាញចង្កូតគេចពីអ្នកដំណើរឈប់ស្តុបជ្រុលទៅបុកធុងជ័រខាងលើតែម្តង ។ ក្រោយកើតហេតុរថយន្តនោះត្រូវនគរបាលស្ទូចយកទៅរក្សាទុកនៅការិយាល័យនគរបាលចរាចរណ៍ជើងគោករងចាំដោះស្រាយ ៕
ចែករំលែកព័តមាននេះ