ខេត្តប៉ៃលិន ៖ បន្ទាប់ពីឃើញហ្វូងសត្វរុយហើរចេញចូលនៅក្នុងកូនខ្ទមតូច១ខ្នង ប្រក់ស័ង្កសីបុរសម្នាក់បានរាយការណ៍ជូនមេភូមិឱ្យចូលទៅពិនិត្យមើលស្រាប់តែប្រទះឃើញសពបុរសម្នាក់ចង.កស្លាប់ អស់រយៈពេលជាយូរថ្ងៃរហូតដល់ស្អុយរលួយមើលលែងយល់បាត់ទៅហើយ ។ លុះសមត្ថកិច្ចឆែករកមើលក្នុងហោប៉ៅ ស្រាប់តែឃើញមានអត្តសញ្ញាណប័ណ្ណ១សន្លឹក ទើបស្គាល់ថា ជាអ្នករស់នៅក្នុងខេត្តបាត់ដំបង…
ខេត្តប៉ៃលិន ៖ បន្ទាប់ពីឃើញហ្វូងសត្វរុយហើរចេញចូលនៅក្នុងកូនខ្ទមតូច១ខ្នង ប្រក់ស័ង្កសីបុរសម្នាក់បានរាយការណ៍ជូនមេភូមិឱ្យចូលទៅពិនិត្យមើលស្រាប់តែប្រទះឃើញសពបុរសម្នាក់ចង.កស្លាប់ អស់រយៈពេលជាយូរថ្ងៃរហូតដល់ស្អុយរលួយមើលលែងយល់បាត់ទៅហើយ ។
លុះសមត្ថកិច្ចឆែករកមើលក្នុងហោប៉ៅ ស្រាប់តែឃើញមានអត្តសញ្ញាណប័ណ្ណ១សន្លឹក ទើបស្គាល់ថា ជាអ្នករស់នៅក្នុងខេត្តបាត់ដំបង តែករណីនេះ សមត្ថកិច្ចនៅមិនអស់ចិត្តនៅឡើយ ទើបឱ្យគេស្រាយយកសពជនរងគ្រោះទៅរក្សាទុកនៅក្នុងបរិវេណវត្តរតនសោភ័ណ្ឌ ហៅវត្តកោងកាង ដើម្បីពិនិត្យឱ្យច្បាស់លាស់ ។
ហេតុការណ៍ប្រទះឃើញសពជនរងគ្រោះចង.កសម្លាប់ខ្លួននៅក្នុងកូនខ្ទមរហូតដល់ស្អុយរលួយ សង្ស័យករណីឃាតកម្មនេះ កាលពីវេលាព្រឹកថ្ងៃទី២ ខែវិច្ឆិកា ឆ្នាំ២០១៨ ស្ថិតនៅក្បែរផ្លូវជាតិលេខ៥៧ ក្នុងភូមិដីក្រហម សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានបានឱ្យដឹងថា ជនរងគ្រោះមានឈ្មោះ ឈុន ឡា ភេទប្រុស អាយុ៣៩ឆ្នាំ មានស្រុកកំណើតរស់នៅក្នុងភូមិស្លាកែត សង្កាត់ស្លាកែត ក្រុងបាត់ដំបង ខេត្តបាត់ដំបង តែបន្ទាប់ពីនគរបាលស្រាវជ្រាវរកសាច់ញាតិឱ្យមកមើលដើម្បីយកទៅធ្វើបុណ្យគ្មាននរណាម្នាក់ធ្វើដំណើរមកនោះទេ ។
ប្រភពបន្តទៀតថា មុនពេលកើតហេតុមានបុរសម្នាក់បានជិះម៉ូតូនៅតាមបណ្តោយផ្លូវជាតិលេខ៥៧ ក៏ចុះទៅបត់ជើងតូចក្បែរកូនខ្ទមប្រក់ស័ង្កសីខាងលើ ស្រាប់តែប្រទះឃើញហ្វូងសត្វរុយហើរចេញចូល នៅក្នុងខ្ទមនោះហើយក៏មានក្លិនស្អុយ ទើបទៅប្រាប់មេភូមិឱ្យចុះទៅពិនិត្យ ស្រាប់តែឃើញសពបុរសម្នាក់ចង.កស្លាប់រហូតដល់ហើមស្អុយបាត់ទៅហើយ បើគិតទៅប្រហែលជារយៈពេលជិត១អាទិត្យ ។
ប្រភពបញ្ជាក់ទៀតថា ក្រោយមកក៏រាយការណ៍ជូននគរបាលឱ្យចុះទៅយកសពជនរងគ្រោះមក ហើយរហូតដល់ព្រឹកថ្ងៃទី០៣ ខែវិច្ឆិកា ឆ្នាំ២០១៨ នេះនឹងធ្វើការលាងសពរួចត្រួតពិនិត្យសារជាថ្មីឡើងវិញ ព្រោះមានការសង្ស័យជាករណីឃាតកម្ម ៕
ចែករំលែកព័តមាននេះ