ប្រទេសជប៉ុន ៖ រដ្ឋាភិបាលរបស់នាយករដ្ឋមន្ត្រីជប៉ុនលោកស៊ីនហ្សូអាបេ បានអនុម័តកាលពីថ្ងៃទី២ វិច្ឆិកា គម្រោងច្បាប់មួយដែលសំដៅសម្រួលដល់ការងារ របស់ពលករអន្តោប្រវេសន៍ ក្នុងបណ្ដាផ្នែកខ្វះកម្លាំងពលកម្មដែលនោះជារបត់ចម្រូងចម្រាស់់មួយ ក្នុងប្រទេសដែលប្រកាន់នយោបាយជ្រកកោនម៉ឺងម៉ាត់បំផុត។
គម្រោងច្បាប់នេះគ្រោងបង្កើតទិដ្ឋាការការងារ២ប្រភេទថ្មី សម្រាប់ពួកបរទេសធ្វើការក្នុងបណ្ដាផ្នែកដែលខ្វះកម្លាំងពលកម្ម។ ប្រភេទទីមួយនឹងអនុញ្ញាតឲ្យពលករមានគុណភាពម្នាក់ចេះនិយាយភាសាជប៉ុន ស្នាក់នៅប្រទេសជប៉ុនបានតែម្នាក់ឯងសម្រាប់រយៈពេលយូរបំផុត៥ឆ្នាំ។ ទិដ្ឋាការមួយប្រភេទទៀត សម្រាប់ពលករដែលមានគុណភាពខ្ពស់បំផុត ដោយនឹងអនុញ្ញាតឲ្យស្នាក់នៅរួមជាមួយគ្រួសារ ហើយបន្ទាប់មកស្នើសុំសិទ្ធិរស់នៅអចិន្ត្រៃយ៍។
ទោះបីគម្រោងច្បាប់នេះមានភាពចម្រូងចម្រាស់ សូម្បីក្នុងផ្ទៃគណបក្សសេរីប្រជាធិបតេយ្យជប៉ុនរបស់លោកអាបេ តែសភានឹងអនុម័តប្រឈមមុខនឹងការគាបសង្កត់របស់បណ្ដាសហគ្រាស។ ពួកអ្នកប្រឆាំងគម្រោងច្បាប់នេះ បានសម្ដែងការព្រួយបារម្ភទាក់ទិននឹងការកើនឡើងនៃឧក្រិដ្ឋកម្មនិងឥទ្ធិពលអវិជ្ចមានលើប្រាក់បៀវត្ស។
យោងតាមបណ្ដាសារព័ត៌មានក្នុងស្រុកថា ពលករបរទេសដល់ទៅ៥០០.០០០នាក់ នឹងទទួលបានទិដ្ឋាការថ្មីទាំងនោះ។ជប៉ុនបច្ចុប្បន្នប្រើពលករបរទេសប្រមាណជា១,២៨លាននាក់ពោលប្រមាណ២%នៃពលកររបស់ប្រទេស៕
ចែករំលែកព័តមាននេះ