សូត្រ ប៊ុនធី និងលី ភា ធានាស៊ីថៃក្នុងជំនួបលើសង្វៀនស្អែកនេះ
- ភ្នំពេញ
រាជធានីភ្នំពេញ ៖ នារសៀលថ្ងៃសៅរ៍ទី៣ វិច្ឆិកា ឆ្នាំ២០១៨ សង្វៀនទូរទស្សន៍អាស៊ីអាគ្នេយ៍ នឹងបើកការប្រកួតជាលក្ខណៈអន្តរជាតិ រវាងកីឡាករកម្ពុជា និង ថៃ…
រាជធានីភ្នំពេញ ៖ នារសៀលថ្ងៃសៅរ៍ទី៣ វិច្ឆិកា ឆ្នាំ២០១៨ សង្វៀនទូរទស្សន៍អាស៊ីអាគ្នេយ៍ នឹងបើកការប្រកួតជាលក្ខណៈអន្តរជាតិ រវាងកីឡាករកម្ពុជា និង ថៃ…
រាជធានីភ្នំពេញ ៖ នារសៀលថ្ងៃសៅរ៍ទី៣ វិច្ឆិកា ឆ្នាំ២០១៨ សង្វៀនទូរទស្សន៍អាស៊ីអាគ្នេយ៍ នឹងបើកការប្រកួតជាលក្ខណៈអន្តរជាតិ រវាងកីឡាករកម្ពុជា និង ថៃ ដែលសុទ្ធតែជាជើងខ្លាំងនិងល្អៗ អមដោយជំនឿចិត្តខ្ពស់ក្នុងការយកឈ្នះគូប្រកួតជាពិសេសកីឡាករកម្ពុជាសូត្រ ប៊ុនធី និងលី ភា ដែលជាសមាសភាពត្រូវជួបប្រកួតជាមួយកីឡាករថៃ។
កីឡាករកម្ពុជាទាំង២រូបនេះត្រូវគេស្គាល់ថាជាជើងខ្លាំងក្នុងការប្រកួតជាមួយកីឡាករក្នុងស្រុក នឹងក្លាយជាគូប្រកួតស៊ីសាច់ហុតឈាមជាមួយកីឡាករបរទេស២រូបនៅលើសង្វៀនអន្តរជាតិនារសៀលនោះ ដោយពួកគេម្នាក់ៗនឹងឡើងប្រកួតគ្នាជាលក្ខណៈមិត្តភាព ។
លោក ញាណ សុធី អ្នករៀបចំការប្រកួតប្រចាំនៅទូរទស្សន៍អាស៊ីអាគ្នេយ៍បានថ្លែងប្រាប់ថា ក្នុងចំណោមកីឡាករកម្ពុជា២រូបដែលមានឈ្មោះឡើងប្រកួតមិត្តភាពអន្តរជាតិក្នុងព្រឹត្តិការណ៍ប្រដាល់នោះ កីឡាករ សូត្រ ប៊ុនធី គឺជាជើងខ្លាំងម្នាក់ដែលលោករំពឹងខ្ពស់នោះផង ដោយសារតែគេទើបផ្ដួលកីឡាករជើងខ្លាំងថៃមួយចំនួនរួចមកហើយ ទើបដាក់ឱ្យប្រកួត។
បើទោះជាគេត្រូវប្រឈមនឹងកីឡាករថៃល្អសម្រាប់ការប្រកួតលើកនេះ តែម្នាក់ៗនៅតែមានទំនុកចិត្តចំពោះសមត្ថភាពរបស់កីឡាករកម្ពុជារូបនេះភាគច្រើន ។ គេត្រូវប៉ះប្រកួតជាមួយកីឡាករថៃឈ្មោះ Phat Chhayakphum ក្នុងនាមជាគូរងឯកសម្រាប់ប្រដាល់អន្តរជាតិនៅរសៀលថ្ងៃសៅរ៍ស្អែក ដោយជំនួបរវាងពួកគេក៏ជារឿងសំខាន់ផងដែរ ខណៈដែលអ្នកណាឈ្នះ គឺក្រៅពីបានមុខមាត់ និងទឹកប្រាក់តម្លៃខ្លួនក្នុងនាមជាអ្នកឈ្នះ ក៏បានទទួលទំនុកចិត្តពីអ្នកគាំទ្រជាងមុនច្រើនដង ។ ផ្ទុយទៅវិញ បើចាញ់ការប្រកួត គឺមិនខុសពីត្រូវបាក់មុខ និងមានការរិះគន់ពីអ្នកគាំទ្រនោះទេ ។
កីឡាករ សូត្រ ប៊ុនធី លោកនៅតែយល់ឃើញថា នឹងធ្វើឱ្យកក្រើកសង្វៀនប្រដាល់អន្តរជាតិរបស់ទូរទស្សន៍អាស៊ីអាគ្នេយ៍នារសៀលនោះ បើទោះការប្រដាល់លើសង្វៀនអន្តរជាតិនាពេលចុងក្រោយ កីឡាកររូបនេះត្រូវគេកត់សម្គាល់ថា ជួនក៏មានលទ្ធផលល្អ ជួនក៏មិនល្អភាគច្រើន។
លោកជឿជាក់ថា កីឡាកររូបនេះនឹងបញ្ចេញសមត្ថភាពល្អដូចជាពូកែគេច និងពូកែវាយសន្ធាប់ដែលគេធ្លាប់បញ្ចេញឡើងនាពេលកន្លងមក ហើយនឹងមិនប្រកាន់លាក់ដៃធ្វើឱ្យមានការរិះគន់ណាមួយកើតឡើងនោះទេ ទើបលោកយល់ថា ជំនួបរវាង សូត្រ ប៊ុនធី ជាមួយកីឡាករថៃជាដៃគូនឹងមិនធម្មតាសម្រាប់ការប្រកួតទាំងមូល ។
លោកថា កីឡាករកម្ពុជារូបនេះមានសមត្ថភាពខ្ពស់ ទើបលោកយល់ថាគេអាចយកឈ្នះការប្រកួតនេះបាន ថ្វីដ្បិតមានការប៉ាន់ស្មានថា លទ្ធផលដែលលោកដណ្ដើមបានអាចនឹងតឹងខ្លាំងក្តី ។ កីឡាករកម្ពុជាលោកថាធ្លាប់ប្រកួត១១២លើក ឈ្នះ៨៨លើក ចាញ់២០លើក និងស្មើ៤លើក ក្នុងពេលកីឡាករថៃ ធ្លាប់ប្រកួតបាន៨៨លើក ឈ្នះ៧០លើក និង ចាញ់១៧លើក។
សម្រាប់កីឡាករជើងខ្លាំង លី ភា គេក៏ត្រូវគណៈកម្មការផ្គូផ្គងឱ្យប៉ះប្រកួតជាមួយកីឡាករថៃ Phet Ngam ក្នុងនាមជាគូឯកផងដែរ។ លោកថា ការប្រកួតរបស់ពួកគេនៅមិនទាន់ដឹងថា អ្នកណាល្អជាងអ្នកណានោះទេក្នុងពេលដែលកីឡាករកម្ពុជាក៏រាងធ្លាក់ដៃជាងមុន ។ លោកថាកីឡាករថៃ ជាដៃគូគេគឺជាជើងខ្លាំងម្នាក់ តែគេមិនទាន់ប្រាកដដូចគ្នាថានឹងទទួលបានជ័យជម្នះសម្រាប់ការប្រកួតជាមួយជើងខ្លាំងកម្ពុជានោះដែរ ដោយសារតែបទពិសោធន៍នៅស្ទើរមិនទាន់ខ្លាំង ។ កីឡាករកម្ពុជា ធ្លាប់ប្រកួតផ្លូវការបាន៦៨លើក ឈ្នះ៥៦លើក ចាញ់១២លើក និងមិនធ្លាប់ស្មើ ខណៈដែលកីឡាករថៃ ធ្លាប់ប្រកួតបាន៨៦លើក ឈ្នះ៧៤លើក និងចាញ់១២លើក៕
ចែករំលែកព័តមាននេះ