ខេត្តបន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យ៤នាក់ប្រើប្រាស់គ្រឿងញៀនត្រូវបានចាត់ការតាមច្បាប់នៅថ្ងៃទី១ ខែវិច្ឆិកា ឆ្នាំ២០១៨។ ជនសង្ស័យ៤នាក់ខាងលើរួមមាន ១-ឈ្មោះ បូ អូនតូច ភេទប្រុស…
ខេត្តបន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យ៤នាក់ប្រើប្រាស់គ្រឿងញៀនត្រូវបានចាត់ការតាមច្បាប់នៅថ្ងៃទី១ ខែវិច្ឆិកា ឆ្នាំ២០១៨។
ជនសង្ស័យ៤នាក់ខាងលើរួមមាន ១-ឈ្មោះ បូ អូនតូច ភេទប្រុស អាយុ២២ឆ្នាំ ២-ឈ្មោះ ម៉ែត ភារុន ភេទប្រុស អាយុ២៧ឆ្នាំ ៣-ឈ្មោះ ទ្រី វណ្ណា ហៅប៉ាវ ភេទប្រុស អាយុ២៤ឆ្នាំ ៤-ឈ្មោះ ប៉ាន់ សុភ័ក្រ ហៅស្វិត ភេទប្រុស អាយុ១៨ឆ្នាំ ជនសង្ស័យស្នាក់នៅភូមិពីរ សង្កាត់កំពង់ស្វាយ ក្រុងសិរីសោភ័ណ។
លោករវសេនីយ៍ត្រី យ៉ាន់ សុវណ្ណ មេបញ្ជាការកងរាជអាវុធហត្ថក្រុងសិរីសោភ័ណបានប្រាប់ថា នៅពេលឃាត់ខ្លួនជនសង្ស័យគឺកម្លាំងកងរាជអាវុធហត្ថក្រុងសិរីសោភ័ណបានធ្វើការស្រាវជ្រាវ ហើយបង្ក្រាបឃាត់ខ្លួនជនសង្ស័យ៤នាក់ និងដកហូតមានឧបករណ៍ប្រើប្រាស់គ្រឿងញៀន និងកាំបិត១ ជំពាមកៅស៊ូ១ដែលធ្វើការបង្ក្រាបកាលពីថ្ងៃទី៣១ ខែតុលា ឆ្នាំ២០១៨ នៅចំណុចភូមិពីរ សង្កាត់កំពង់ស្វាយ ក្រុងសិរីសោភ័ណ។
លោកវរសេនីយ៍ឯក ស ប៊ុនសឿង មេបញ្ជាការរងកងរចអាវុធហត្ថខេត្តបានបញ្ជាក់ថា ដោយមានការណែនាំពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ហើយបានដាក់វិធានការបង្ក្រាបបទល្មើលគ្រឿងញៀនត្រូវលុបបំបាត់ដើម្បីភូមិ-ឃុំមានសុវត្ថិភាព និងសន្តិសុខជូនប្រជាពលរដ្ឋ៕
ចែករំលែកព័តមាននេះ