ផ្លែកន្ទឹមក្រៅពីមានរស់ជាតិផ្អែម និងពណ៌​  ស​ម្បុរមើលទៅគួរឱ្យចង់ទទួលទាន វាក៏នៅផ្តល់​អត្ថប្រយោជន៍ផ្នែកសុខភាពច្រើនយ៉ាងដល់​មនុស្ស ដែលចូលចិត្តទទួលទានវាថែមទៀត​។​ យោងតាម​​បណ្តាអ្នកស្រាវជ្រាវមកពីសាកល​វិទ្យា​​ល័យអេឌីនបឺក (University of Edin​bur gh)ជឿជាក់ថា ទឹកផ្លែកន្ទឹមអាចជួយបន្ថយ​បរិ​មាណអាស៊ីត ខ្លាញ់នៅក្នុងឈាម ​ដែល​ត្រូវ​គេស្គាល់​ឈ្មោះ​ថាជា​ប្រភេទ​អាស៊ីត​ខ្លាញ់​Nonesterified​ ឬ NEFA។ លើសពីនេះ​ទៀត​វា​ក៏​អាច​ជួយកំចាត់ខ្លាញ់ដែលនៅជុំវិញ​ចង្កេះ​ និងពោះផងដែរ។ បន្ទាប់ពីការពិសោធន៍រយៈពេលមួយខែ អ្នកស្ម័គ្រចិត្តដែលបានផឹកទឹកផ្លែកន្ទឹម១ដបជា​រៀងរាល់ថ្ងៃ ត្រូវគេសង្កេតឃើញថា មានការ កកើតកោសិកាខ្លាញ់នៅជុំវិញពោះរបស់ពួកគេ តិចតួច។ ក្រៅពីនេះ សម្ពាធឈាមរបស់ពួកគេ​ក៏ធ្លាក់ចុះ ដែលជាហេតុជួយកាត់បន្ថយការកើត​ជម្ងឺបេះដូង ជំងឺស្ត្រូក​ និងជំងឺ​តម្រងនោម។
តាមការសិក្សាលើមនុស្ស និងសត្វពីមុនមក​បានបង្ហាញថា ​កំរិត​NEFAខ្ពស់ជាប់ពាក់ព័ន្ធ​ទៅ​នឹងបរិមាណខ្លាញ់យ៉ាងច្រើននៅជុំវិញពោះគឺ​ប្រៀបដូចជាការជួយបង្កើនឱ្យកើតជំងឺ​បេះដូង និងទឹកនោមផ្អែមប្រភេទ២។

នៅក្នុងការពិសោធន៍បុរស-ស្ត្រី២៤នាក់​ ត្រូវ​គេឱ្យ​ផឹកទឹកផ្លែកន្ទឹម១ដប​ដែលមានចំណុះ​៥០០មីល្លីលីត្រជារៀងរាល់ថ្ងៃ​ រយៈពេល៤​សប្តាហ៍ ។​ ជាលទ្ធផល បណ្តាអ្នកស្រាវជ្រាវបាន​រកឃើញថា អ្នកស្ម័គ្រចិត្តជិតពាក់កណ្តាលមាន​ការថយចុះកំរិតNEFAយ៉ាងច្រើន។ ពួកអ្នក​ស្រាវជ្រាវជឿថា ដោយហេតុនេះអ្នកស្ម័គ្រចិត្ត​ធ្វើពិសោធន៍នឹងមានផ្ទុកបរិមាណខ្លាញ់តិច​តួច​នៅជុំវិញចង្កេះ និងពោះរបស់គេ។ លើសពីនេះ​ទៀត អ្នកស្ម័គ្រចិត្តបុរស​-ស្ត្រី​ជាង៩០%មាន​សម្ពាធឈាមចុះទាប។ វេជ្ជបណ្ឌិតEmad Aldujaili និងវេជ្ជបណ្ឌិត Catherine Tsang ដែលជាអ្នកដឹកនាំស្រាវជ្រាវ នៅសាកលវិទ្យាល័យEdinburgh University បាននិយាយថា ​ពេលនេះ​គឺអស់ចម្ងល់ហើយ​។ ​ទឹកផ្លែ​កន្ទឹមពិតជាមានផលប្រយោជន៍ជួយ​បន្ថយ​ឱកាសនៃការកើតជំងឺ​បេះដូងមែន​។ សូមរំលឹកថាការសិក្សាកាល​ពីលើកមុន ក៏បាន​​បង្ហាញដែរថា ទឹកផ្លែកន្ទឹមមានលទ្ធភាព​ជួយ​បង្កើនជីវិតសិច(Sex)បានទៀតផង ៕