រាជធានីភ្នំពេញ ៖ រថយន្តម៉ាកព្រូសមួយគ្រឿងពេលបើកចេញពីស្តារម៉ាតវិញ ក៏ត្រូវរថយន្តឡង់គ្រីស័ររថយន្តរយ៉ែថយក្រោយចេញពីចាក់សាំងជ្រុលទៅបុកបណ្តាលអោយរងការខូចខាតទាំងសង្ខាង តែសំណាងល្អមិនគ្រោះថ្នាក់ដល់មនុស្ស ។
ក្នុងហេតុការណ៍នេះបានកើតឡើងនៅវេលាម៉ោង១០និង២៥នាទីយប់ថ្ងៃទី១ ខែ វិច្ឆិកា ឆ្នាំ២០១៨ នៅក្នុងស្ថានីយ៍ប្រេងឥន្ធនៈ កាល់តិច ស្ថិតក្នុងសង្កាត់ទន្លេបាសាក់ ខណ្ឌចំការមន ។
តាមប្រភព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញបុរសម្នាក់បានបើករថយន្តម៉ាកព្រូស ពណ៌ទឹកប្រាក់ ពាក់ស្លាកលេខ ភ្នំពេញ ២AU-៤០៤៣ ចេញពី ស្តារម៉ាត ក្នុងបរិវេណស្ថាននីយប្រេងឥន្ធនៈកាល់តិច ក្រឡឹងមួយជុំក្នុងគោលបំណងឡើងទៅផ្លូវព្រះមុនីវង្ស ។
លុះមកដល់ចំនុចកើតហេតុ ក៏ស្រាប់តែមានបុរសម្នាក់ទៀតបានបើករថយន្តម៉ាកឡង់គ្រីស័រ ពណ៌ស ពាក់ស្លាកលេខ ភ្នំពេញ ២K-៥៥៧៧ រយ៉ែថយក្រោយ ចេញពីចាក់សាំងវិញ ក៍ជ្រុលទៅបុករថយន្តព្រUស បណ្តាលអោយរថយន្តម៉ាកព្រូសរងការខូចខាតឆ្កូតថ្នាំ និងក្រពឹតទ្វារក្រោយចំហៀងខាងស្តាំ ចំណែករថយន្តម៉ាកឡង់គ្រីស័រវិញ រងការខូចខាតឆ្កូតថ្នាំគូទក្រោយ និងបែកស្តុប ។
ភ្លាមៗនោះដែរ ភាគីទាំងសង្ខាងអត់មានរងរបួសនោះទេ ក៏បានចុះពីលើរថយន្តមកប្រកែកគ្នាយកត្រូវ និងទាមទារសំណងរៀងៗខ្លួនរហូតផ្អើលដល់ប៉ូលិសមូលដ្ឋាននិងកងរាជអាវុធហត្ថខណ្ឌចំការមន ចុះទៅជួយសម្របសម្រួល ។
ក្រោយពេលកើតហេតុ ភាគីទាំងសង្ខាងបានសុខចិត្តស្មើគ្នារួចមក ក៏យករថយន្តទៅជួសជួលរៀងៗខ្លួនដើម្បីបញ្ចប់រឿង ៕
ចែករំលែកព័តមាននេះ