ខេត្តបាត់ដំបង៖ ជនសង្ស័យម្នាក់ត្រូវកម្លាំងសមត្ថកិច្ចដែលកំពុងរងចាំមើលផ្លូវយ៉ាងអន្ទះសារ ស្ទាក់ឃាត់ខ្លួនបាន កាលពីរសៀលថ្ងៃទី៣១ តុលា នៅលើដងផ្លូវមួយកន្លែងក្នុងស្រុកថ្មគោល ក្រោយពីជននេះលួចម៉ូតូស្ត្រីម្នាក់នៅស្រុកបវេល ហើយជិះគេចខ្លួនបានមួយថ្ងៃ។ លោក ជេត…
ខេត្តបាត់ដំបង៖ ជនសង្ស័យម្នាក់ត្រូវកម្លាំងសមត្ថកិច្ចដែលកំពុងរងចាំមើលផ្លូវយ៉ាងអន្ទះសារ ស្ទាក់ឃាត់ខ្លួនបាន កាលពីរសៀលថ្ងៃទី៣១ តុលា នៅលើដងផ្លូវមួយកន្លែងក្នុងស្រុកថ្មគោល ក្រោយពីជននេះលួចម៉ូតូស្ត្រីម្នាក់នៅស្រុកបវេល ហើយជិះគេចខ្លួនបានមួយថ្ងៃ។ លោក ជេត វណ្ណនី ស្នងការរងខេត្តបានប្រាប់ថា ជនសង្ស័យម្នាក់នេះឈ្មោះ ធី ម៉ាប់ អាយុ២៥ឆ្នាំ នៅភូមិខ្នាចរមាស ឃុំខ្នាចរមាស ស្រុកបវេល។ លោកប្រាប់ថា ជននេះបានលួចយកម៉ូតូមួយគ្រឿងរបស់ស្ត្រីម្នាក់ឈ្មោះ ទិត្យ សម្ផស្ស អាយុ២៨ឆ្នាំ កាលពីយប់ថ្ងៃទី៣០ តុលា ខណៈម្ចាស់ទុកនៅខាងផ្ទះ ស្ថិតក្នុងភូមិខ្នាចរមាស ឃុំខ្នាចរមាស ស្រុកបវេល។
ប៉ុន្តែក្រោយពេលលួចបានជននេះបានជិះគេចខ្លួនទៅកាន់ក្រុងប៉ោយប៉ែត ខេត្តបន្ទាយមានជ័យ ដោយដោះស្លាកលេខចេញ លុះសមត្ថកិច្ចក្រុងប៉ោយប៉ែត សង្ស័យកាក់សួរនាំ ស្រាប់តែជននេះភ័យរត់ចោលម៉ូតូត្រឡប់មកស្រុកកំណើតវិញ ទើបត្រូវកម្លាំងអធិការស្រុកបវេល សហការជាមួយអធិការស្រុកថ្មគោល ស្ទាក់ចាប់បានតែម្ដង ខណៈសមត្ថកិច្ចបានកំណត់មុខសញ្ញា ជននេះបានជាក់លាក់។ នៅក្នុងករណីនេះ បើតាមការស្រង់សម្ដីជនរងគ្រោះបានឲ្យដឹងថា នៅយប់កើតហេតុនោះ ខ្លួនបានឈប់ម៉ូតូនៅខាងមុខផ្ទះ លុះក្រោយមកពេលខ្លួនចេញមកក្រៅវិញ ស្រាប់តែមិនឃើញម៉ូតូ ហើយសួរនាំក្រុមគ្រួសារក៏គ្មានអ្នកដឹង ទើបមានការផ្អើលឆោឡោ ដោយដឹងថា ម៉ូតូខ្លួនត្រូវចោរលួចទើបរាយការណ៍ប្រាប់សមត្ថកិច្ចតែម្ដង។
លោកឧត្តមសេនីយត្រី ជេត វណ្ណនី ស្នងការរងខេត្ត បានបញ្ជាក់ថា ម៉ូតូដែលជនដៃដល់បានលួចនៅត្រូវបានកម្លាំងអធិការ ក្រុងប៉ោយប៉ែត យកទៅរក្សាទុក តែលោកស្នងការខេត្តធ្វើការទំនាក់ទំនង ដើម្បីយកម៉ូតូនោះមកកាន់ស្នងការ ខេត្តបាត់ដំបងវិញហើយ។ ហើយមន្ត្រីការិយាល័យជំនាញបាននាំខ្លួនចោរស្ទើរភ្លើងនោះ ដើម្បីកសាងសំណុំរឿងបញ្ជូនទៅប្រគល់ឲ្យតុលាការចាត់ការតាមនីតិវិធីហើយដែរ៕
ចែករំលែកព័តមាននេះ