ទិដ្ឋភាពនៃពិធីបើកបវេសនកាលនៅអនុវិទ្យាល័យចតុមុខ
- ភ្នំពេញ
រាជធានីភ្នំពេញ៖ ក្នុងឱកាសបើកបវេសនកាលឆ្នាំសិក្សា២០១៨-២០១៩ កាលពីព្រឹកថ្ងៃទី១ វិច្ឆិកា ២០១៨ នៅអនុវិទ្យាល័យចតុមុខ សង្កាត់ចតុមុខ ខណ្ឌដូនពេញ លោកឃួង ស្រេង…
រាជធានីភ្នំពេញ៖ ក្នុងឱកាសបើកបវេសនកាលឆ្នាំសិក្សា២០១៨-២០១៩ កាលពីព្រឹកថ្ងៃទី១ វិច្ឆិកា ២០១៨ នៅអនុវិទ្យាល័យចតុមុខ សង្កាត់ចតុមុខ ខណ្ឌដូនពេញ លោកឃួង ស្រេង អភិបាលរាជធានីភ្នំពេញ បានថ្លែងថា កាលដែលកូនក្មួយទាំងអស់បានសិក្សារៀនសូត្រយ៉ាងស្រួល មិនខ្វល់អ្វីទាំងអស់នេះ គឺដោយសារតែប្រទេសយើងមានសន្តិភាពពេញបរិបូរណ៍ ក្រោមការស្វែងរកដ៏លំបាករបស់សម្តេចអគ្គមហាសេនាបតីតេជោហ៊ុន សែន ដូច្នេះយើងទាំងអស់គ្នាត្រូវរួមគ្នារក្សាសុខសន្តិភាពនេះឲ្យបានល្អបន្ថែមទៀត។
លោកអភិបាលរាជធានីភ្នំពេញ បានមានប្រសាសន៍ថា ការអប់រំគឺជាកូនសោសម្រាប់ដោះស្រាយរាល់បញ្ហា សង្គម និងសេដ្ឋកិច្ចជាតិ ព្រោះថាឧត្តមភាព ប្រកួតប្រជែងរបស់ប្រជាជាតិមួយ គឺអាស្រ័យយ៉ាងសំខាន់ទៅលើការកសាងធនធានមនុស្ស ប្រកបដោយចំណេះដឹង ចំណេះធ្វើ និងសីលធម៌ ។
ការកសាងធនធានមនុស្សប្រកបដោយចំណេះដឹង ចំណេះធ្វើ និងសីលធម៌ ដើម្បីឆ្លើយតបទៅនឹង តម្រូវការទីផ្សារពលកម្មផងដែរ និងដើម្បីជំរុញ ឲ្យមានការផ្លាស់ប្តូរ នៃរចនាសម្ព័ន្ធសេដ្ឋកិច្ច សង្គម និងវប្បធម៌ តាមរយៈកម្មវិធីកំណែទម្រង់ ស៊ីជម្រៅ ក្នុងបរិបទ ទំនើប ក្នុងវិស័យបច្ចេកវិទ្យា ដែលឈរលើ មូលដ្ឋាននៃចំណេះដឹង គុណភាពនៃការអប់រំ គឺជាគន្លឺះសម្រាប់ដោះស្រាយ រាល់បញ្ហាប្រឈមនានា ទាំងក្នុងអភិបាលកិច្ច ។
លោក អភិបាលរាជធានីភ្នំពេញ បានបន្ថែមថា ការអភិវឌ្ឍន៍សេដ្ឋកិច្ច និងសង្គម ក៏ដូចជាការ អភិវឌ្ឍសហ
គមន៍ និងក្រុមគ្រួសារ ហើយសហគមន៍ គ្រួសារ សាលារៀន គឺជាតួអង្គដ៏សំខាន់មួយក្នុងចំណោមតួអង្គស្នូលក្នុងការកសាងធនធានមនុស្ស ព្រោះការអប់រំ ទើបមានធនធានមនុស្សល្អ សម្រាប់ការពារ កសាងអភិវឌ្ឍន៍ប្រទេសជាតិរបស់យើង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ