ខេត្តបន្ទាយមានជ័យ ៖ ដើម្បីភូមិ-ឃុំមានសុវត្ថិភាពក្នុងមូលដ្ឋាន លោកអធិការនគរបាលស្រុកថ្មពួក បានចុះធ្វើការអប់រំប្រជាពលរដ្ឋមិនឲ្យមានការលេងល្បែងស៊ីសងគ្រប់ប្រភេទ នៅថ្ងៃទី១ ខែវិច្ឆិកា ឆ្នាំ២០១៨ លោកវរសេនីយ៍ទោ សៅ…
ខេត្តបន្ទាយមានជ័យ ៖ ដើម្បីភូមិ-ឃុំមានសុវត្ថិភាពក្នុងមូលដ្ឋាន លោកអធិការនគរបាលស្រុកថ្មពួក បានចុះធ្វើការអប់រំប្រជាពលរដ្ឋមិនឲ្យមានការលេងល្បែងស៊ីសងគ្រប់ប្រភេទ នៅថ្ងៃទី១ ខែវិច្ឆិកា ឆ្នាំ២០១៨ លោកវរសេនីយ៍ទោ សៅ សារឿន អធិការនគរបាល ស្រុកថ្មពួក បានដឹកនាំកម្លាំងអធិការដ្ឋាន និងកម្លាំងនគរបាលប៉ុស្តិ៍រដ្ឋបាលឃុំគោក រមៀត ចុះធ្វើការអប់រំប្រជាពលរដ្ឋតាមភូមិដូចជា ភូមិក្តឹបថ្ម ភូមិបន្ទាយមានឬទ្ឋិ ភូមិសាមគ្គី ភូមិត្រពាំងសំរោង ក្នុងភូមិសាស្ត្រឃុំគោករមៀត ដែលប្រជាពលរដ្ឋចូលចិត្តលេងល្បែងស៊ីសង បានអប់រំឲ្យឈប់លេងល្បែងស៊ីសងគ្រប់ប្រភេទ។
ជាមួយគ្នានោះដែរ លោកអធិការបានប្រាប់ឲ្យដឹងថា ដោយអនុវត្តតាមបទបញ្ជារបស់លោកឧត្តមសេនីយ៍
ទោ អាត់ ខែម ស្នងការនគរបាលខេត្តបន្ទាយមានជ័យ ក្នុងការអនុវត្តន៍នូវគោលនយោបាយភូមិ-ឃុំមានសុវត្ថិភាព លុបបំបាត់ការលេងល្បែងស៊ីសងគ្រប់ប្រភេទក្នុងមូលដ្ឋាន នាថ្ងៃនេះ លោកក៏បានដឹកនាំកម្លាំងក្រោមឱវាទចុះធ្វើការអប់រំ និងប្រជាពលរដ្ឋធ្វើកិច្ចសន្យាបញ្ឈប់ការលេងល្បែងស៊ីសងនៅភូមិក្តឹបថ្ម ភូមិបន្ទាយមានឬទ្ឋិ ភូមិសាមគ្គី និងភូមិត្រពាំងសំរោង ក្នុងភូមិសាស្ត្រឃុំគោករមៀត ស្រុកថ្មពួក ។
លោកអធិការបានបញ្ជាក់ថា ក្នុងការចុះអប់រំនិងធ្វើកិច្ចសន្យាខាងលើនេះ កម្លាំងនគរបាលបានដកហូតជាក់ស្តែង មានកម្រាលខ្លាឃ្លោកមួយផ្ទាំង គ្រាប់មេខ្លាឃ្លោក៣គ្រាប់ ចាន និងគម្របក្រឡុកគ្រាប់មេខ្លាឃ្លោក
ផ្តិល១ និងបៀចំនួន៩ហ៊ូផងដែរ។
ក្នុងការចុះអប់រំពីបញ្ហាល្បែងស៊ីសងនេះ លោកនឹងអនុវត្តឲ្យដូចជាភ្លៀងរលឹមដើម្បីបំបាត់ចោលនូវអំពើលួច ឆក់ប្លន់ និងអំពើហិង្សាក្នុងគ្រួសារ ដែលផ្តើមចេញពីល្បែងស៊ីសងនិងពិសេសគឺដើម្បីឲ្យភូមិ ឃុំ មានសុវត្ថិភាពសម្រាប់ការរស់នៅរបស់ប្រជាពលរដ្ឋក្នុងមូលដ្ឋាន៕
ចែករំលែកព័តមាននេះ