ខេត្តស្វាយរៀង ៖ យុវតីម្នាក់ជួបគ្រោះថ្នាក់ចរាចរណ៍ដួលម៉ូតូខ្លួនឯងបោកក្បាលទៅលើថ្នល់ជាតិលេខ១ បណ្តាលឲ្យបែកមាត់បែកក្បាលធ្ងន់ធ្ងរសន្លប់នៅនឹងកន្លែងកើតហេតុ។ ករណីនេះបានកើតឡើងនៅវេលាម៉ោង១១និង១៥នាទីព្រឹកថ្ងៃទី១ វិច្ឆិកា ២០១៨ នៅលើកំណាត់ផ្លូវជាតិលេខ១ ត្រង់ចំណុចខាងមុខបន្ទាយផ្នែកសឹករងក្រុងបាវិត ស្ថិតក្នុងភូមិត្រពាំងផ្លុងសង្កាត់បាទីក្រុងបាវិត។…
ខេត្តស្វាយរៀង ៖ យុវតីម្នាក់ជួបគ្រោះថ្នាក់ចរាចរណ៍ដួលម៉ូតូខ្លួនឯងបោកក្បាលទៅលើថ្នល់ជាតិលេខ១ បណ្តាលឲ្យបែកមាត់បែកក្បាលធ្ងន់ធ្ងរសន្លប់នៅនឹងកន្លែងកើតហេតុ។
ករណីនេះបានកើតឡើងនៅវេលាម៉ោង១១និង១៥នាទីព្រឹកថ្ងៃទី១ វិច្ឆិកា ២០១៨ នៅលើកំណាត់ផ្លូវជាតិលេខ១ ត្រង់ចំណុចខាងមុខបន្ទាយផ្នែកសឹករងក្រុងបាវិត ស្ថិតក្នុងភូមិត្រពាំងផ្លុងសង្កាត់បាទីក្រុងបាវិត។
បើតាមសមត្ថកិច្ចបានឲ្យដឹងថា យុវតីរងគ្រោះឈ្មោះរស់ សុផារី អាយុ១៨ឆ្នាំ ជាសិស្សវិទ្យាល័យកំពង់សំរោង មានម្តាយឈ្មោះចាប សោភណ្ឌ័ នៅស្រុកចន្ទ្រា។
តាមអ្នកឃើញហេតុការផ្ទាល់ភ្នែកបានឲ្យដឹងថា មុនពេលកើតហេតុ គេឃើញយុវតីរងគ្រោះជិះម៉ូតូមួយគ្រឿងម៉ាកស៊ុយហ្ស៊ុយគីនិច ពាក់ស្លាកលេខ ស្វាយរៀង ១M-៦៦១៤ ពណ៌សលាយខ្មៅ ធ្វើដំណើរតែម្នាក់ឯង ក្នុងទិសដៅពីលិចមកកើតយ៉ាងលឿន លុះមកដល់ចំណុចកើតហេតុខាងលើ ស្រាប់តែចាប់ហ្វ្រាំង បណ្តាលឲ្យម៉ូតូដួលបោកក្បាលទៅលើថ្នល់ខ្ទាតមនុស្សចេញពីម៉ូតូ៤ទៅ៥ត្រឡប់ប៉ើងចម្ងាយ៥ម៉ែត្រ បណ្តាលឱ្យបែកមាត់បែកក្បាលរបួសធ្ងន់សន្លប់នៅនឹងកន្លែង។
បន្ទាប់មក ប្រជាពលរដ្ឋបាននាំគ្នាមកជួយធ្វើចលនាបេះដូងរួចលើកយកទៅដាក់លើគ្រែក្នុងម្លប់អស់រយៈពេល២០នាទីនៅតែមិនដឹងខ្លួន ក៏ប្តឹងសមត្ថកិច្ចនិងហៅរថយន្តសង្គ្រោះ ដឹកបញ្ជូនទៅមន្ទីរពេទ្យបង្អែកស្រុកប្រតិបត្តិជីភូដើម្បីសង្គ្រោះ។ សមត្ថកិច្ចកំពុងស្រាវជ្រាវរកក្រុមគ្រួសារតាមរយៈបណ្ណ័សិស្សនៃវិទ្យាល័យកំពង់សំរោង ស្រុកចន្ទ្រាដើម្បីឲ្យមកមើលថែយុវតីរងគ្រោះ ៕
ចែករំលែកព័តមាននេះ