រាជធានីភ្នំពេញ ៖ សម្តេចក្រឡាហោមស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានអះអាងថា អង្គការសមាគមដែលបានចុះបញ្ជីត្រឹមត្រូវនៅក្រសួងមហាផ្ទៃមានសិទ្ធិធ្វើសកម្មភាពទូទាំងប្រទេសកម្ពុជា ។ ការអះអាងរបស់ប្រមុខដឹកនាំក្រសួងមហាផ្ទៃធ្វើឡើង តាមរយៈសេចក្តីណែនាំមួយកាលពីថ្ងៃទី៣១ ខែតុលា ស្តីពីកិច្ចសហប្រតិបត្តិការរវាងរាជរដ្ឋាភិបាល…
រាជធានីភ្នំពេញ ៖ សម្តេចក្រឡាហោមស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានអះអាងថា អង្គការសមាគមដែលបានចុះបញ្ជីត្រឹមត្រូវនៅក្រសួងមហាផ្ទៃមានសិទ្ធិធ្វើសកម្មភាពទូទាំងប្រទេសកម្ពុជា ។ ការអះអាងរបស់ប្រមុខដឹកនាំក្រសួងមហាផ្ទៃធ្វើឡើង តាមរយៈសេចក្តីណែនាំមួយកាលពីថ្ងៃទី៣១ ខែតុលា ស្តីពីកិច្ចសហប្រតិបត្តិការរវាងរាជរដ្ឋាភិបាល និងរដ្ឋបាលថ្នាក់ក្រោមជាតិ ជាមួយសមាគម និងអង្គការមិនមែនរដ្ឋាភិបាលក្នុងស្រុកព្រមទាំងសហគមន៍នានានៅមូលដ្ឋា ន ។
ក្នុងសេចក្ដីណែនាំនេះសម្តេចស ខេង បានបញ្ជាក់ថា «សមាគម និងអង្គការមិនមែនរដ្ឋាភិបាលដែលបានចុះបញ្ជីស្របតាមច្បាប់ស្ដីពីសមាគម និងអង្គការមិនមែនរដ្ឋាភិបាលព្រម ទាំងសហគមន៍នានានៅមូលដ្ឋានមានសិទ្ធិសេរីភាពពេញលេញ ក្នុងការធ្វើសកម្មភាពក្នុងព្រះ រាជាណាចក្រកម្ពុជា ស្របតាមច្បាប់ស្ដីពីសមាគម និងអង្គការមិនមែនរដ្ឋាភិបាលច្បាប់ និងលិ ខិតបទដ្ឋាននានាជាធរមាន និងស្របតាមលក្ខន្តិករបស់ខ្លួន ដែលបានតម្កល់ទុកនៅក្រសួ ងមហាផ្ទៃដោយគ្មានការរារាំង និងរំលោភបំពានបានឡើយ» ។
ប្រភពបានបញ្ជាក់ទៀតថា សមាគម និងអង្គការមិនមែនរដ្ឋាភិបាលដែលបានចុះបញ្ជីស្របតាមច្បាប់ស្ដីពីសមាគម និងអង្គការមិនមែនរដ្ឋាភិបាលព្រមទាំងសហគមន៍នានានៅមូលដ្ឋាន នៅពេលធ្វើសកម្មភាពនៅតាមមូលដ្ឋាន ហើយមានការរារាំង ឬរឹតត្បិតពីអាជ្ញាធរមូលដ្ឋាន សមាគមអង្គការមិនមែនរដ្ឋាភិបាល និងសហគមន៍នៅមូលដ្ឋាននោះត្រូវរាយការណ៍អំពី ករណីនេះជូនអភិបាលនៃគណៈអភិបាលរាជធានី-ខេត្ត ឬក្រសួងមហាផ្ទៃ ដើម្បីជួយសម្រប សម្រួល និងដោះស្រាយ ។
តាមសេចក្ដីណែនាំរបស់សម្ដេចក្រឡាហោមស ខេង ដើម្បីលើកកម្ពស់ការចូលរួម និងកិច្ចសហការជាមួយសមាគម អង្គការមិនមែនរដ្ឋាភិបាល និងសហគមន៍នានានៅមូលដ្ឋានរដ្ឋបាលថ្នាក់ក្រោមជាតិគ្រប់ថ្នាក់ត្រូវសហការសម្របសម្រួលរៀបចំវេទិកាពិគ្រោះយោបល់ជាមួយសមាគមអង្គការមិនមែនរដ្ឋាភិបាល និងសហគមន៍នានាដែលធ្វើសកម្មភាពក្នុងដែនសមត្ថកិច្ចរបស់ខ្លួនឲ្យបានទៀងទាត់រាល់ឆមាស ឬតាមការចាំបាច់ ។ សម្តេចបានលើកឡើងក្នុងសេចក្តីណែនាំទៀតថា អភិបាលនៃគណៈអភិបាលខេត្ត-រាជធានី ត្រូវធ្វើការបូកសរុបអំពីការរៀបចំវេទិកាពិគ្រោះយោបល់នេះ រួមទាំងបញ្ហានានាមិនអាចដោះស្រាយបានក្នុងសមត្ថកិច្ចរបស់ខ្លួនមកក្រសួងមហាផ្ទៃ និងក្រសួងស្ថាប័នពាក់ព័ន្ធនានា ដើម្បីជួយគាំទ្រ និងសហការក្នុងការដោះស្រាយ ។
សម្ដេចក្រឡាហោមបានគូសបញ្ជាក់ថា «រដ្ឋបាលរាជធានី-ខេត្តត្រូវធ្វើការផ្សព្វផ្សាយបន្តដល់អាជ្ញាធរមានសមត្ថកិច្ចពាក់ព័ន្ធ និងរដ្ឋបាលក្រុងស្រុកឃុំសង្កាត់ឲ្យបានជ្រូតជ្រាប ដើម្បីចូលរួមអនុវត្ដឲ្យបានត្រឹមត្រូវ និងមានប្រសិទ្ធិភាពខ្ពស់» ។
សូមជម្រាបថា សេចក្តីណែនាំនេះធ្វើឡើង ដើម្បីធានាឲ្យសមាគម និងអង្គការមិនមែនរដ្ឋាភិបាលដែលបានចុះបញ្ជីត្រឹមត្រូវស្របតាមច្បាប់ស្តីពីសមាគម និងអង្គការមិនមែនរដ្ឋាភិបាលព្រមទាំងសហគមន៍នានានៅមូលដ្ឋានធ្វើសកម្មភាពក្នុងការចូលរួមអភិវឌ្ឍប្រទេសលើគ្រប់វិស័យ ក៏ដូចជា ការលើកកម្ពស់កិច្ចសហប្រតិបត្តិការ និងភាពជាដៃគូរវាងរាជរដ្ឋាភិបាល និងរដ្ឋបាលថ្នាក់ក្រោមជាតិជាមួយសមាគម និងអង្គការមិនមែនរដ្ឋាភិបាល និងរដ្ឋបាលថ្នាក់ក្រោមជាតិ ជាមួយសមាគម និងអង្គការមិនមែនរដ្ឋាភិបាល និងសហគមន៍នានានៅមូលដ្ឋាន ៕
ចែករំលែកព័តមាននេះ