របស់ដែលអ្នកមិនអាចយកមកប៉ះត្រូវមុខអ្នកឡើយ តើមានអ្វីខ្លះ ?
1.អ្នកមិនគួរប្រើសាប៊ូដុសខ្លួនមកដុសលើមុខអ្នកទេ ទោះបីជាវាមានជាតិទឹកដោះគោក៏ដោយ ព្រោះស្បែកមុខអ្នកស្តើង បើអ្នកប្រើសាប៊ូដុសខ្លួនមកលាងមុខនឹងកាត់មុខអ្នកខ្លាំងណាស់ ធ្វើឲ្យមុខអ្នកខ្ទេចជាមិនខានឡើយ ។
2.អ្នកក៏មិនគួរយកទឹកក្រូចឆ្មាមកលាបលើមុខអ្នកដែរ ព្រោះក្នុងនោះមានសារធាតុដែលអាចធ្វើឲ្យមុខអ្នកកើតមានបញ្ហាយ៉ាងងាយ ដោយអាចនឹងពិបាកព្យាបាលខ្លាំងណាស់។
3.អ្នកមិនគួរងូតទឹកក្តៅទេ ព្រោះចំហាយនៃទឹកក្តៅ អាចបឺតជាតិទឹកលើមុខអ្នក ដោយធ្វើឲ្យស្បែកមុខអ្នកប្រែជាស្ងួត ហើយប្រេងលើមុខនឹងគ្មានលំនឹងឡើយ ដូចនេះអ្នកគួរតែប្រើទឹកធម្មតាដើម្បីងូតបានហើយ ។
4.អ្នកមិនគួរប្រើថ្នាំដុសធ្មេញមកលាបលើមុខអ្នកទេ ព្រោះវាអាចធ្វើឲ្យមុខអ្នកឡើងមុនបាន ។ ជាហេតុដែលអាចធ្វើឲ្យកើតមានស្នាមលើមុខបានយ៉ាងងាយ ។ ដូចនេះ អ្នកគួរតែប្រយ័ត្នឲ្យបានខ្ពស់។
5.ស្ករក៏មិនគួរលាបលើមុខដែរ ព្រោះវាអាចកាត់មុខអ្នកឲ្យប្រែជាស្តើងបាន ។ ដូចនេះអ្នកគួរតែចៀសកុំប្រើឲ្យសោះ ។
6.អាកុល់ក៏មិនគួរប្រើលើមុខដែរព្រោះវាអាចធ្វើឲ្យមុខអ្នកស្ងួត ដោយអាចធ្វើឲ្យអ្នកមានអារម្មណ៍ឈឺបាន ។ ជាពិសេសធ្វើឲ្យរន្ធញើសអ្នករបួសផងដែរ ។ ដូចនេះអ្នកគួរតែប្រយ័ត្នក្នុងការប្រើរបស់ផ្សេងៗមកលាបលើមុខអ្នក(ប្រភពពី៖ Health.com.kh) ៕
ចែករំលែកព័តមាននេះ