រាជធានីភ្នំពេញ ៖ យុវជនម្នាក់ដោយសារខឹងឪពុកចុងប្រដៅកុំឱ្យជួញដូរនិងប្រើប្រាស់គ្រឿងញៀន ស្រាប់តែផ្ទុះជម្លោះ រហូតឈានដល់ការប្រវាយប្រតប់គ្នាមួយប្រាវ ។ ហើយមិនអស់ចិត្ត ជននេះបានទាញយកពូថៅគប់សំដៅលើឪពុកចុងរូបនោះទៀត ប៉ុន្តែចៃដន្យពូថៅបានផ្លាតទៅត្រូវបុរសម្នាក់ដែលជាអ្នកជិតខាង បណ្ដាលឱ្យរងរបួសបាក់ស្មងជើងម្ខាងយ៉ាងធ្ងន់ធ្ងរ…
រាជធានីភ្នំពេញ ៖ យុវជនម្នាក់ដោយសារខឹងឪពុកចុងប្រដៅកុំឱ្យជួញដូរនិងប្រើប្រាស់គ្រឿងញៀន ស្រាប់តែផ្ទុះជម្លោះ រហូតឈានដល់ការប្រវាយប្រតប់គ្នាមួយប្រាវ ។ ហើយមិនអស់ចិត្ត ជននេះបានទាញយកពូថៅគប់សំដៅលើឪពុកចុងរូបនោះទៀត ប៉ុន្តែចៃដន្យពូថៅបានផ្លាតទៅត្រូវបុរសម្នាក់ដែលជាអ្នកជិតខាង បណ្ដាលឱ្យរងរបួសបាក់ស្មងជើងម្ខាងយ៉ាងធ្ងន់ធ្ងរ ។
បន្ទាប់មក ជននេះបានរត់គេចខ្លួន បាត់ស្រមោល។ ក្រោយទទួលដំណឹងនេះភ្លាម កម្លាំងនគរបាលប៉ុស្ដិ៍ក្រាំងម្កាក់ និងនគរបាលព្រហ្មទណ្ឌស្រុកអង្គស្នួល បានធ្វើការស្រាវជ្រាវតាមរក រយៈ២ថ្ងៃទើបចាប់ជននេះបាន។
ហេតុការណ៍ឈ្លោះបានកើតឡើង កាលពីវេលាម៉ោង៧យប់ថ្ងៃទី២៩ តុលា ស្ថិតក្នុងភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល ។ លុះដល់ថ្ងៃទី៣១ តុលា ទើបនគរបាលចាប់ខ្លួនជនដៃដល់នោះបាន នាំយកទៅសាកសួរ និងកសាងសំណុំរឿងចាត់ការតាមច្បាប់។
ជនសង្ស័យខាងលើ ឈ្មោះង៉ូយ ម៉េងទី អាយុ១៩ឆ្នាំ ជាសន្តិសុខ មានីលំនៅក្នុងភូមិខាងលើ ។ នគរបាលដកហូតបានពូថៅដងដែក ដែលជនខាងលើគប់ទៅលើជនរងគ្រោះ។ ចំណែកបុរសជាជនរងគ្រោះឈ្មោះអេង ទ្រី អាយុ៤២ឆ្នាំ ជាជាងកាត់កញ្ចក់ មានទីលំនៅក្នុងភូមិក្នុងភូមិជាមួយគ្នា រងរបួសបាក់ ស្មងជើងខាងស្តាំ កំពុងសម្រាកព្យាបាលរបួសនៅក្នុងមន្ទីរពេទ្យព្រះសុមៈ។ ដោយឡែក ឪពុកចុងឈ្មោះហេង វិសាល អាយុយ៥៤ឆ្នាំ ជាកម្មករសំណង់ស្នាក់ជាមួយគ្នា ។
ចែករំលែកព័តមាននេះ