រាជធានីភ្នំពេញ ៖ បុរសម្នាក់ត្រូវបានសន្តិសុខ ឃាត់ខ្លួន ពេល ជិះកង់ចូលទៅក្នុងបុរីថៃឈុនគ្រីលួចដែក កញ្ចាប់រន្ទា។ ការឃាត់ខ្លួនជនសង្ស័យខាងលើនេះបានធ្វើឡើងកាលពីម៉ោង១០ព្រឹកថ្ងៃទី៣១ ខែតុលា ឆ្នាំ២០១៨នៅក្នុងបុរី…
រាជធានីភ្នំពេញ ៖ បុរសម្នាក់ត្រូវបានសន្តិសុខ ឃាត់ខ្លួន ពេល ជិះកង់ចូលទៅក្នុងបុរីថៃឈុនគ្រីលួចដែក
កញ្ចាប់រន្ទា។
ការឃាត់ខ្លួនជនសង្ស័យខាងលើនេះបានធ្វើឡើងកាលពីម៉ោង១០ព្រឹកថ្ងៃទី៣១ ខែតុលា ឆ្នាំ២០១៨នៅក្នុងបុរី ថៃ ឈុនគ្រី ភូមិច្រេស សង្កាត់គោកឃ្លាងខណ្ឌសែនសុខ។
ជនសង្ស័យដែលត្រូវឃាត់ខ្លួនខាងលើឈ្មោះ យឿង ហ៊ុន ហៅ ម៉ាប់ អាយុ២៣ឆ្នាំ មុខរបរមិនពិត ស្នាក់នៅភូមិច្រេស សង្កាត់គោកឃ្លាង ខណ្ឌសែនសុខ មាន ស្រុកកំណើត ភូមិកេស ឃុំមៀន ស្រុកព្រៃឈរខេត្តកំពង់ចាម។ នៅពេលឃាត់ខ្លួនជនសង្ស័យម្នាក់នេះ សមត្ថកិច្ចដកហូតបានដែកកញ្ចាប់រន្ទាចំនួន៩ដែលជននោះលួចបានច្រកក្នុងសាក់កាដូ។
តាមដើមបណ្តឹងឈ្មោះ ចាន់ ចរណៃ អាយុ២៣ឆ្នាំ ជាសន្តិសុខបុរី ថៃ ឈុនគ្រី បានឱ្យដឹងថា ជនសង្ស័យខាងលើធ្លាប់ជាកម្មករក្នុងបុរី ហើយនៅព្រឹកថ្ងៃកើតហេតុ ជនសង្ស័យបានជិះកង់ចូលទៅក្នុងការដ្ឋាន រួចធ្វើសកម្មភាពលួចយកដែកកញ្ចាប់រន្ទាបានចំនួន៩គូដាក់ក្នុងសាក់កាដូ រួចជិះកង់ចេញវិញ។
នៅពេលជនសង្ស័យជិះកង់មកដល់ខ្លោងទ្វារ ត្រូវក្រុមសន្តិសុខនៅយាម ហៅត្រួតពិនិត្យ និងឆែកឆេររកឃើញដែកកញ្ចាប់រន្ទាដាក់ក្នុងសាក់កាដូ ក៏ឃាត់ខ្លួនជនសង្ស័យប្រគល់អោយនគរបាលតែម្តង។
ក្រោយពេលឃាត់ខ្លួន ជនសង្ស័យបានសារភាពអោយដឹងថា ខ្លួនពិតជាបានលួចពិតមែនដោយសាតែអត់លុយចាយ៕
ចែករំលែកព័តមាននេះ