រាជធានីភ្នំពេញ ៖ មានមនុស្ស១ក្រុមអះអាងថា ជាតំណាងឲ្យលោកជំទាវមិនស្គាល់អត្តសញ្ញាណ១ក្រុមបានដើរបំផុសប្រជាពលរដ្ឋនៅក្នុងភូមិព្រែកថ្លឹង សង្កាត់ជើងឯក ខណ្ឌដង្កោឲ្យទៅទទួលយកលុយ។ ដោយអ្នកតំណាងទាំងនោះប្រាប់ថា ក្រុមលោកជំទាវបានធ្វើសម្បទានលុយជូនប្រជាពលរដ្ឋក្នុង១គ្រួសារៗចំនួន១ពាន់ដុល្លារ ព្រោះមានការអាណិតអាសូរ។បន្ទាប់មកប្រជាពលរដ្ឋមួយចំនួនតូចបានទទួល។ ចំណែកភាគច្រើនទៀតមិនបានទទួលយកឡើយ ហើយសម្ដែងការងឿងឆ្ងល់ពីទឹកចិត្តល្អខុសទំនងនោះ។
មិនតែប៉ុណ្ណោះពួកគាត់បានដាក់ការសង្ស័យថា ជំទាវទាំងនោះមានបំណងលេបយកដីរួមភូមិរបស់ពួកគាត់កន្លែងណាមួយហើយមើលទៅ។ ពួកគាត់ចំនួន៤០២គ្រួសារក៏បានលើកគ្នាទៅកាន់កន្លែងដែលចែកលុយ ដើម្បីសួរនាំឲ្យច្បាស់ ប៉ុន្តែស្រាប់តែអ្នកទាំងនោះនាំគ្នាឡើងរថយន្តគេចបាត់អស់។ ហេតុការណ៍នោះបានកើតឡើង កាលពីព្រឹកថ្ងៃទី៣១ ខែតុលា ឆ្នាំ២០១៨ នៅក្នុងវត្តគោកអំពិល ដែលមានទីតាំងស្ថិតក្នុងភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ។
ប្រជាពលរដ្ឋបាននិយាយថា កាលពីម៉ោង៨ យប់ថ្ងៃទី៣០ តុលា មានមនុស្ស១ក្រុមមានគ្នា៧នាក់មាន ១-ឈ្មោះ សយ សុធី ២-ឈ្មោះគង់ សឿន ៣-ឈ្មោះជួន សុខលាភ ៤-ឈ្មោះអឿន សន ៥-ឈ្មោះយី គា ៦-ឈ្មោះមាស សំអុន និង៧-ឈ្មោះឌុក គា បានដើរប្រាប់អ្នកភូមិមួយចំនួនថា ពួកខ្លួនគឺជាតំណាងឲ្យជំទាវ៣រូប។ ពេលនេះលោកជំទាវទាំង៣ បានប្រើឲ្យខ្លួនដើរប្រាប់អ្នកភូមិថា នៅព្រឹកស្អែកនេះ(ថ្ងៃទី៣១ តុលា) លោកជំទាវនឹងធ្វើសម្បទានជូនអ្នកភូមិទាំងអស់នូវទឹកប្រាក់ក្នុងមួយគ្រួសារៗចំនួន១០០០ដុល្លារ។ ដូច្នេះសូមបងប្អូនទាំងអស់នាំគ្នាទៅទទួលយកលុយពីលោកជំទាវនៅឯក្នុងវត្តគោកអំពិល ស្ថិតក្នុងភូមិព្រែកថ្លឹង សង្កាត់ ជើងឯកនោះ ប៉ុន្តែមិនបានប្រាប់ថា ឈ្មោះលោកជំទាវទាំងនោះឈ្មោះអ្វីខ្លះទេ។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព
ចែករំលែកព័តមាននេះ