រាជធានីភ្នំពេញ ៖ ទណ្ឌិតចំនួន៥៣២នាក់ ត្រូវបានស្នើសុំមកគណៈកម្មាធិការថ្នាក់ជាតិត្រួតពិនិត្យបន្ធូរបន្ថយ និងលើកលែងទោស ដើម្បីពិនិត្យសុំបន្ធូរបន្ថយ និងលើកលែងទោសស ម្រាប់បុណ្យអ៊ុំទូក ។
លោក សុច សុផាន់ណារ៉ា អគ្គនាយករងនៃអគ្គនាយកដ្ឋាននៃកិច្ចព្រហ្មទណ្ឌក្រសួងយុត្តិធម៌បានឲ្យដឹងនារសៀលថ្ងៃទី៣១ ខែតុលានេះ នាទីស្តីការក្រសួងយុត្តិធម៌ថា គណៈកម្មាធិការថ្នាក់ជាតិត្រួតពិនិត្យបន្ធូរបន្ថយ និងលើកលែងទោសដែលមានលោកអង្គវង្សវឌ្ឍានារដ្ឋមន្ត្រី ក្រសួងយុត្តិធម៌ ជាប្រធានបានបើកកិច្ចប្រជុំពិនិត្យលើសំណើរសុំបន្ធរបន្ថយទោសសម្រាប់ថ្ងៃបុណ្យអកអំបុកសំពះព្រះខែ នៅពេលខាងមុខនេះ ។ លោក សុច សុផាន់ណារ៉ា បានឲ្យដឹងសម្រាប់កិច្ចប្រជុំនេះមានទណ្ឌិតចំនួន៥២៣នាក់ ក្នុងនោះស្រីមានចំនួន៣៧នាក់ មកពីពន្ធនាគារខេត្តក្រុង ចំនួន២៤ នឹងមណ្ឌលអប់រំកែប្រែចំនួន៤ ។ លោកក៏បានឲ្យដឹងថា ឆ្នាំនេះជាឆ្នាំមួយដែលប្រសើរណាស់ ដែលប្រមុខរាជរដ្ឋាភិបាលកម្ពុជាបានស្នើឲ្យក្រសួងយុត្តិធម៌ពិនិត្យទៅពិធី៣បន្ថែមទៀត ដើម្បីស្នើសុំលើកលែង និងបន្ធូរបន្ថយទោសដល់ទណ្ឌិត ។
លោកបន្ថែមជាធម្មតាការលើកឡើង និងបន្ធូរបន្ថយទោសដល់ទណ្ឌិតមានតែ នៅក្នុងពិធី បុណ្យធំៗចំនួន៣តែប៉ុណ្ណោះ ក្នុងមានបុណ្យចូលឆ្នាំ បុណ្យវិសាខបូជា និងបុណ្យអ៊ុំទូក ។ ពេលនេះសម្តេចតេជោបានស្នើសុំក្នុងពិធីបុណ្យ៣បន្ថែមទៀត គឺបុណ្យ១- ភ្ជុំបិណ្ឌ ២-បុណ្យឯករាជ្យជាតិ និង៣-ទិវាឈ្នះឈ្នះ២៩ ធ្នូ ។ លោកបញ្ជាក់ថា «ការលើកលែង និងបន្ធូរបន្ថយទោសទណ្ឌិតបានពិនិត្យលើកគោលការណ៍មនុស្សធម៌ទៅលើកទី១- ទណ្ឌិតណាដែលចាស់ជរា មានអាយុចាប់ពី៦៥ឆ្នាំឡើ ងទៅ ទី២-ទណ្ឌិតដែលមានជំងឺធ្ងន់ធ្ងរប្រចាំខ្លួននៅក្នុងពន្ធនាគារ ទី៣-ទណ្ឌិតជាស្ត្រីដែលមានកូននៅក្នុងពន្ធនាគារ និងទី៤- ទណ្ឌិតដែលគោរពគោលការណ៍ច្បាប់អនុវត្តទោសបាន២ភាគ៣បានលើកលែងទោស និង ១ភាគ៣ទទួលបានបន្ធូរបន្ថយលើកលែងទោស» ។
លោកបញ្ជាក់ថា ទោះបីជាទណ្ឌិតដែលបានដាក់ស្នើសុំមកមានលក្ខខណ្ឌគ្រប់គ្រាន់យ៉ាងណាក្តីក៏ត្រូវពិនិត្យឲ្យល្អិតទាក់ទងទី១ – ឯកសារមានសាលក្រម សាលដីកាស្ថាពរ ទី២- ការកែ ប្រែខ្លួននៅក្នុងពន្ធនាគារ ។ ផ្ទុយទៅវិញប្រសិនបើគណៈកម្មាធិការថ្នាក់ជាតិពិនិត្យឃើញថា ទ ណ្ឌិតមិនបានរាងចាល ហើយអង្កេតក្នុងសំណុំរឿងមានការព្យសនៈកម្មសាហាវ ឬធ្ងន់ធ្ងរនោះ គណៈកម្មាធិការថ្នាក់ជាតិមិនពិនិត្យសំណើរនោះទេ ។ ក្នុងករណីដែលទណ្ឌិតដែលត្រូវបានលើកលែងទោសរួចហើយបានប្រព្រឹត្តិបទល្មើសដែលជាបទល្មើសមិនរាងចាលនោះនឹងមិនពិនិត្យនោះទេ ។
ទណ្ឌិតដែលមិនរាងចាលនោះនឹងត្រូវអនុវត្តទោសបន្តទៀតតាមច្បាប់កំណត់ ។ សម្រាប់ការស្នើសុំលើកលែង និងបន្ធូរបន្ថយទោសទណ្ឌិតមិនបានស្នើសុំមានចំនួនដូចគ្នានោះទេ ដោយខេត្តខ្លះមានចំនួន១០នាក់ ២០នាក់ …។ ដូច្នេះការស្នើសុំមិនដូចគ្នាទេ ។ លោកបញ្ជាក់ថា «គណៈកម្មាធិការថ្នាក់ជាតិបានពិនិត្យល្អិតល្អន់លើកឯកសារសាលក្រមសាលដីកា និងតារាងពីគណៈកម្មការថ្នាក់រួមតាំងរបាយការណ៍ផ្ទាល់ខ្លួនរបស់ទណ្ឌិត» ។ លោក អ៊ុច ពង្ស អគ្គនាយករងនៃអគ្គនាយកដ្ឋានពន្ធនាគារក្រសួងមហាផ្ទៃបានឲ្យដឹងថា ទណ្ឌិតដែលជាប់ពន្ធនាគារនៅទូទាំងប្រទេសមានប្រមាណ៣១២២៦នាក់ ក្នុងនោះស្រី២៦៦៣ នាក់ ។ បច្ចុប្បន្ននេះទណ្ឌិតដែលកំពុងជាប់ពន្ធនាគារបានកំពុងតែកើតមាន ប៉ុន្តែខាងពន្ធនាគារកំពុងតែដោះស្រាយជាបន្តបន្ទាប់ ។ ទោះបីមានការលើកឡើងថា ការស្នើសុំលើកលែង និងបន្ធូរបន្ថយទោសទណ្ឌិតមាន សូកប៉ាក់ពីមតិមួយចំនួនយ៉ាងណាក្តី បើការអះអាងរបស់លោក អ៊ុច ពង្ស ថា មិនពិតនោះទេ ។ លោកថា ការស្នើសុំនេះមានគណៈកម្មការថ្នាក់ខេត្តបានវាយតម្លៃរហូតដល់គណៈកម្មាធិការថ្នាក់ជាតិ ។
សួមជម្រាបសម្រាប់ថ្ងៃបុណ្យភ្នំបិណ្ឌកន្លងមកគណៈកម្មាធិការថ្នាក់ជាតិបានលើកឡើងលើកទោសណ្ឌិត១១៩ នាក់ ក្នុងនោះបានលើកលែងទោស៣៩នាក់ និងបន្ធូរបន្ថយទោស៨០នាក់ ៕
ចែករំលែកព័តមាននេះ