ខេត្តស្វាយរៀង ៖ ឈ្មួញវៀតណាមនាំយកពងមាន់ ពងទា និងពងក្រួច ឆ្លងដែនចូលមកតាមច្រករបៀងកំពង់ស្ពាន និងច្រករបៀងកេមែ័តាបិប ក្រុងបាវិត តែមន្ត្រីពេទ្យសត្វឆ្លើយថា ក្រុងបាវិតមានច្រករបៀងច្រើនហើយមន្ត្រីពេទ្យសត្វមានតែម្នាក់ឯងមិនអាចទៅទប់ស្កាត់…
ខេត្តស្វាយរៀង ៖ ឈ្មួញវៀតណាមនាំយកពងមាន់ ពងទា និងពងក្រួច ឆ្លងដែនចូលមកតាមច្រករបៀងកំពង់ស្ពាន និងច្រករបៀងកេមែ័តាបិប ក្រុងបាវិត តែមន្ត្រីពេទ្យសត្វឆ្លើយថា ក្រុងបាវិតមានច្រករបៀងច្រើនហើយមន្ត្រីពេទ្យសត្វមានតែម្នាក់ឯងមិនអាចទៅទប់ស្កាត់ ឬពិនិត្យបានទេ ម្យ៉ាងជាប់រវល់ដើរមើលផលិតផលតាំងពិពណ៌ ។
បើតាមប្រជាពលរដ្ឋរស់នៅតាមបណ្តោយផ្លូវនៃច្រករបៀងកំពង់ស្ពាន សង្កាត់បាវិត ក្រុងបាវិតបានប្រាប់ឲ្យដឹងនៅព្រឹកថ្ងៃទី៣១ តុលា នេះថានៅប៉ុន្មានខែចុងក្រោយនេះមានឈ្មួញវៀតណាមនាំពងមាន់ ពងទា និងពងក្រួច ចូលមកតាមច្រករបៀងកំពង់ស្ពាន និងច្រករបៀងនានាក្នុងក្រុងបាវិតដូចគេហែកឋិនមិនដែលឃើញមន្ត្រីពេទ្យសត្វណាត្រួតពិនិត្យឡើយ ។
ដោយពួកឈ្មួញវៀតណាមដឹកតាមម៉ូតូ និងម៉ូតូរ៉ឺម៉កមកចែកចាយក្នុងក្រុងបាវិត និងយកទៅចែកចាយនៅទីផ្សារនានាក្នុងខេត្តទៀតគួរឲ្យព្រួយបារម្មណ៍ ដោយបច្ចុប្បន្នមើលឃើញគេបង្ហោះតាមហ្វេសប៊ុកនៅវៀតណាមមានផលិតពងទាសិប្បនិមិត្ត ។
ហើយក្រសួងសុខាភិបាលក៏ដូចក្រសួងមហាផ្ទៃ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានចេញសេចក្តីប្រកាស និងចេញសារាចរណ៍ណែនាំដល់អាជ្ញាធរគ្រប់លំដាប់ថ្នាក់ដែលមានព្រំដែនជាប់នឹងប្រទេសជិតខាងសហការទប់ស្កាត់ និងមិនអនុញ្ញាតឲ្យមនុស្សធ្វើចរាចរណ៍នាំស៊ុតសត្វ និងផលិតផលដែលមានដើមកំណើតពីសត្វចូលតាមច្រករបៀងឡើយ ។
ក៏ប៉ុន្តែអ្វីគួរឲ្យព្រួយបារម្មណ៍នោះសមត្ថកិច្ចដែលឈរជើងប្រចាំការនៅតាមច្រករបៀងបានបើកដៃឲ្យឈ្មួញវៀតណាមនាំស៊ុតមាន់ ទា និងពងគ្រួច ចូលតាមច្រករបៀងផ្គើននឹងប្រសាសន៍សម្តេចក្រឡាហោម ស ខេង ទៅវិញ ។
ទាក់ទិនករណីវៀតណាមនាំពងមាន់ ពងទា និងពងក្រួចចូលតាមច្រករបៀងនេះលោក ប៉ែន ចន្ធី ប្រធានការិយាល័យសុខភាពសត្វ និងផលិតកម្មសត្វខេត្តបានឆ្លើយតាមទូរសព្ទ័ថា ទប់ស្កាត់ក៏មិនបានដែរដោយសមត្ថកិច្ចប្រចាំការតាមច្រករបៀងមិនសហការ ហើយលួចឲ្យឈ្មួញនាំចូល រីឯមន្ត្រីពេទ្យសត្វយើងមានតែម្នាក់ទេ នៅក្រុងបាវិតមិនអាចទប់ស្កាត់បានឡើយ ៕
ចែករំលែកព័តមាននេះ