ខេត្តឧត្តរមានជ័យ ៖ គ្រោះថ្នាក់ចរាចរណ៍រវាងមូតូបុកជាមួយនឹងគោយន្តកន្ត្រៃ បណ្តាលឱ្យមនុស្សម្នាក់រងរបួសធ្ងន់កាលពីវេលាម៉ោង៣និង៤០នាទីរសៀលថ្ងៃទី២៩ តុលា ២០១៨។ ហេតុការណ៍នេះកើតឡើងនៅតាមបណ្តោយផ្លូវជាតិលេខ១៧១ ចំណុចមុខអនុវិទ្យាល័យត្រពាំងប្រីយ៍ ស្ថិតនៅក្នុងភូមិឃាំងកណ្តាល ឃុំត្រពាំងប្រីយ៍…
ខេត្តឧត្តរមានជ័យ ៖ គ្រោះថ្នាក់ចរាចរណ៍រវាងមូតូបុកជាមួយនឹងគោយន្តកន្ត្រៃ បណ្តាលឱ្យមនុស្សម្នាក់រងរបួសធ្ងន់កាលពីវេលាម៉ោង៣និង៤០នាទីរសៀលថ្ងៃទី២៩ តុលា ២០១៨។
ហេតុការណ៍នេះកើតឡើងនៅតាមបណ្តោយផ្លូវជាតិលេខ១៧១ ចំណុចមុខអនុវិទ្យាល័យត្រពាំងប្រីយ៍ ស្ថិតនៅក្នុងភូមិឃាំងកណ្តាល ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
ជនរងគ្រោះឈ្មោះហែម ឃា ភេទប្រុស អាយុ២៥ឆ្នាំ រស់នៅភូមិទំនប់លើ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ជាអ្នកបើកបរម៉ូតូម៉ាកហុងដាឌ្រីម C125 ស៊េរីឆ្នាំ២០០៥ ពណ៌ខ្មៅ ពាក់ស្លាក់លេខ ១A-១៧៣៩ បានរងរបួសធ្ងន់ ចំណែកអ្នកបើកបរគោយន្តកន្ត្រៃឈ្មោះខឹម ហ៊ុន ភេទប្រុស អាយុ២៣ឆ្នាំ រស់នៅភូមិទឹកជុំ ឃុំត្រពាំងប្រី ស្រុកអន្លង់វែង ខេត្តឧត្តរមានជ័យ មិនមានរងរបួស ។
ប៉ូលិសផ្នែកចរាចរណ៍ស្រុកអន្លង់វែងបានឱ្យដឹងថា ក្រោយពីកើតហេតុ មន្ត្រីជំនាញបានចុះទៅដល់នឹង
កន្លែងកើតហេតុពិនិត្យនិងធ្វើការវាស់វែង រកឃើញថា ភាគីខាងលើម៉ូតូបើកបរមិនគោរពច្បាប់ចរាចរណ៍ ទើបជ្រុលចង្កូតទៅបុកគោយន្តកន្ត្រៃយ៉ាងពេញទំហឹង បណ្តាលឱ្យអ្នកបើកបរម៉ូតូរងរបួសធ្ងន់ធ្ងរ ត្រូវបានគេបញ្ជូនទៅសង្គ្រោះនៅមន្ទីរពេទ្យ ។
ក្រោយពេលកើតហេតុ ម៉ូតូ និងគោយន្តកន្ត្រៃ ត្រូវបានសមត្ថកិច្ចយកទៅរក្សាទុកដើម្បីរង់ចាំធ្វើការដោះស្រាយ៕
ចែករំលែកព័តមាននេះ