តាមពិតទៅមនុស្សយើងមិនមែនឱ្យតែអ្នកបួសសុទ្ធតែល្អទាំងអស់នោះទេ អ្នកបួសខ្លះក៏ធ្ងន់ទៅដោយកិលេស ប្រព្រឹត្តខុសធម៌វិន័យដែរ។ ត្រង់នេះព្រះបរមសាស្តាត្រាស់សម្តែងថា មនុស្សយើងមិនមែនសំខាន់នៅលើអ្នកបួសឬមិនបួសនោះឡើយ អ្វីដែលសំខាន់គឺ អ្នកនោះចេះរក្សាកាយ វាចា ចិត្តខ្លួនឯងឲ្យបានល្អ ទើបជារឿងសំខាន់…
តាមពិតទៅមនុស្សយើងមិនមែនឱ្យតែអ្នកបួសសុទ្ធតែល្អទាំងអស់នោះទេ អ្នកបួសខ្លះក៏ធ្ងន់ទៅដោយកិលេស ប្រព្រឹត្តខុសធម៌វិន័យដែរ។ ត្រង់នេះព្រះបរមសាស្តាត្រាស់សម្តែងថា មនុស្សយើងមិនមែនសំខាន់នៅលើអ្នកបួសឬមិនបួសនោះឡើយ អ្វីដែលសំខាន់គឺ អ្នកនោះចេះរក្សាកាយ វាចា ចិត្តខ្លួនឯងឲ្យបានល្អ ទើបជារឿងសំខាន់ តែបើសិនជាអាក់ខានមិនបានរក្សាកាយចិត្ត មិនបានរក្សាឫកពាហើយ គឺស្មើនឹងសម្លាប់ខ្លួនឯង ដូចច្រានខ្លួនឯងទម្លាក់ទៅក្នុងភ្លើងនរកដូច្នោះដែរ ។
ឯពាក្យថា នរកប្រហែលជាគ្មាននរណាម្នាក់ចង់ទៅនោះទេ ហើយក៏គ្មានអ្នកណាចង់រងទុក្ខខ្លោចផ្សានោះដែរ។ ព្រោះហេតុនោះបានជាលោកពោលថា ដើម្បីចៀសផុតពីកំណើតក្នុងអបាយភូមិ សត្វលោកត្រូវរក្សាខ្លួននេះ ឱ្យបានល្អដោយការខ្មាសបាប ខ្លាចបាប ធ្វើទាន រក្សាសីល៥ សីល៨ ប្រព្រឹត្តតែអំពើល្អជាដរាប ។
ការសង្រួមមិនធ្វើបាបតាមផ្លូវកាយ វាចា ចិត្ត ជាពិសេសពេលដែលយើងកំពុងតែរស់នៅនេះជាឱកាសល្អបំផុតសម្រាប់យើងទាំងអស់គ្នាឆ្លៀតពេលធ្វើបុណ្យទានដោយរៀបចំអត្តចរិតឲ្យបានប្រពៃថ្លៃថ្នូរទៅតាមលំអាននៃវប្បធម៌ជាតិទើបបាននាមថា ជាអ្នករក្សាខ្លួនដោយប្រពៃ ។
ចែករំលែកព័តមាននេះ