ប្រទេសអ៊ីតាលី ៖ ព្យុះឈ្មោះ ADRIAN បានវាយប្រហារលើប្រទេសអ៊ីតាលីស្ទើរទាំងមូល បណ្ដាលឲ្យមនុស្សស្លាប់យ៉ាងតិច៥នាក់ ហើយបង្កការខូតខាតធ្ងន់ធ្ងរ កាលពីថ្ងៃទី២៩ តុលា ២០១៨ ។
ដើមឈើទាំងឡាយរលំបាក់រាយប៉ាយ ទឹកស្ទឹងនានាឡើងខ្ពស់នាំឲ្យមានទឹកជំនន់យ៉ាងអាក្រក់។
បើតាមទីភ្នាក់ងារការពារស៊ីវិលអ៊ីតាលីអំពាវនាវដល់ប្រជាជន ឲ្យចៀសវាងការធ្វើដំណើរ ចំណែកសាលារៀនជាច្រើននៅតែបិទទ្ធារ។ ហើយយុវជន២នាក់បានស្លាប់ដោយដើមឈើ១ដើមរលំសង្កត់លើរថយន្តពួកគេ នាភាគខាងត្បូងក្រុងរ៉ូម។ ការបាក់ដើមឈើក៏សម្លាប់មនុស្ស២នាក់ទៀតជិតក្រុងរ៉ូម និងក្រុង NAPLES ផងដែរ។ ចំណែកនៅក្រុង LIGURIE ភាគខាងជើងប្រទេស បំណែកនានាបានធ្លាក់លើអគារមួយសម្លាប់នារីម្នាក់។
ផ្នែកមួយយ៉ាងធំនៃប្រទេសអ៊ីតាលីស្ថិតក្នុងការប្រកាសអាសន្ន មកពីខ្យល់ខ្លាំង ព្រមទាំងភ្លៀងធ្លាក់ខ្លាំងនិងទឹកជំនន់ ដែលនាំឲ្យមានការខូតខាតធ្ងន់ធ្ងរ ៕
ចែករំលែកព័តមាននេះ