រាជធានីភ្នំពេញ ៖ បុរសម្នាក់ជិះម៉ូតូ មួយគ្រឿងក្នុងល្បឿនលឿនក្នុងស្ថានភាពស្រវឹងជ្រុលទៅបុករថយន្តមួយគ្រឿងបត់ឆ្វេងក្នុងគោលបំណងត្រឡប់ក្រោយកន្លែងស្លាកហាមបត់ បណ្តាលអោយអ្នកបើកបរម៉ូតូដួលរងរបួសស្រាល ។ ហេតុការណ៍នេះបានកើតឡើងកាលពីវេលាម៉ោង១០និង១៥នាទីយប់ថ្ងៃទី៣០ ខែតុលា ឆ្នាំ២០១៨ តាមបណ្តោយផ្លូវជាតិលេខ៥…
រាជធានីភ្នំពេញ ៖ បុរសម្នាក់ជិះម៉ូតូ មួយគ្រឿងក្នុងល្បឿនលឿនក្នុងស្ថានភាពស្រវឹងជ្រុលទៅបុករថយន្តមួយគ្រឿងបត់ឆ្វេងក្នុងគោលបំណងត្រឡប់ក្រោយកន្លែងស្លាកហាមបត់ បណ្តាលអោយអ្នកបើកបរម៉ូតូដួលរងរបួសស្រាល ។
ហេតុការណ៍នេះបានកើតឡើងកាលពីវេលាម៉ោង១០និង១៥នាទីយប់ថ្ងៃទី៣០ ខែតុលា ឆ្នាំ២០១៨ តាមបណ្តោយផ្លូវជាតិលេខ៥ នៅចំណុចខាងត្បូងប្រមាណជា១០០ម៉ែត្រ ពីស្ថានីយទូរទស្សន៍ស៊ីធីអិន ស្ថិតនៅក្នុងសង្កាត់គីឡូលេខ៦ ខណ្ឌឫស្សីកែវ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរសម្នាក់ក្នុងស្ថានភាពស្រវឹងបានជិះម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ១E-៤៦៥៩ បើកបរតាមបណ្តោយផ្លូវជាតិលេខ៥ ក្នុងទិសដៅពីជើងទៅត្បូង លុះបើកមកដល់ចំណុចកើតហេតុ ស្រាប់តែមានរថយន្តមួយគ្រឿងម៉ាកហាយឡេនឌ័រ ពណ៌ស ពាក់ស្លាកលេខ ភ្នំពេញ ២AH-៦៦៣២ បើកបរតាមបណ្តោយផ្លូវជាតិលេខ៥ ក្នុងទិសដៅពីត្បូងទៅជើង គោលបំណងស៊ីញ៉ូបត់ឆ្វេងត្រឡប់ក្រោយ ធ្វើឱ្យភាគីខាងម៉ូតូចាប់ហ្វ្រាំងមិនទាន់ក៏ជ្រុលទៅបុកចំពាក់កណ្តាលទ្វារថយន្តចំផ្នែកខាងស្តាំ បណ្តាលអោយក្រពឹត រីឯអ្នកបើកបរម៉ូតូវិញរងរបួសស្រាល ។
បន្ទាប់ពីកើតហេតុ ភាគីខាងម៉ូតូចង់អោយម្ចាស់រថយន្តសងថ្លៃខូចខាតម៉ូតូ និងព្យាបាលរបួស ចំណែកខាងរថយន្តវិញក៏ចង់អោយអ្នកបើកម៉ូតូសងថ្លៃខូចខាតរថយន្តដែរ ទើបការចរចាអត់ត្រូវគ្នា ក៏ត្រូវសមត្ថកិច្ចវាស់វែងយកទៅដោះស្រាយគ្នានៅនឹងប៉ុស្តិ៍គីឡូម៉ែត្រលេខ៦ ឃើញថារថយន្តជាអ្នកខុស ដោយសារតែភាគីខាងរថយន្តបត់ត្រឡប់ក្រោយកន្លែងស្លាកសញ្ញាហាមបត់ត្រឡប់ក្រោយ ។
ក្រោយពេលទៅដល់ប៉ុស្តិ៍រួច ភាគីខាងម៉ូតូ និងភាគីខាងរថយន្តសុំបញ្ចប់រឿង ដោយព្រមយកម៉ូតូ និងរថយន្តយកទៅជួសជុលរៀងៗខ្លួន ៕
ចែករំលែកព័តមាននេះ