រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានសម្រេចកំណត់យកថ្ងៃទី៨ វិច្ឆិកា ឆ្នាំ២០១៨ ខាងមុខជួបជាមួយសិស្សប្រឡងជាប់និន្ទេសA ក្នុងសម័យប្រឡង ២០ សីហាឆ្នាំ២០១៨ កន្លងមក ។
ខណៈដែលអញ្ជើញមកជួបសួរសុខទុក្ខបងប្អូនកូនក្មួយកម្មករ ៦,៧៨៥នាក់ នៅឃុំព្រែកអញ្ចាញ ស្រុកមុខកំពូល ខេត្តកណ្តាល នាព្រឹកថ្ងៃទី៣១ តុលា ឆ្នាំ២០១៨នេះ សម្តេចតេជោ ក៏បានឲ្យមន្ត្រីនៅតាមមូលដ្ឋានត្រូវគិតគូរដឹកជញ្ជូនសិស្សដែលប្រជាប់ទាំងទៅទាំងមកក្នុងការមកជួបសម្តេច នៅថ្ងៃទី៨ វិច្ឆិកាខាងមុខនេះ ។
សូមជម្រាបបន្ទាប់ពីរកកំហុសនៃការបូកពិន្ទុ ក្រោយមានការតវ៉ាក្រសួងអប់រំយុវជន និងកីឡាបានប្រកាសលទ្ធផលសម្រាប់មុខវិជ្ជាគណិតវិទ្យារបស់បេក្ខជនចំនួន៧៤០បន្ទប់ មានបេក្ខជ នជាប់សរុប៧៦.០៣៤នាក់ ត្រូវជា៦៧.០៧ភាគរយ ។ បេក្ខជនជាប់និទ្ទេសA មានចំនួន ៤០៨នាក់ និទ្ទេស B ចំនួន២.២២២នាក់ និទ្ទេស C ចំនួន៦.០៤១នាក់ និទ្ទេសD ចំនួន ១៥.១៤០នាក់ និងនិទ្ទេស E ចំនួន៥២.១៨៣នាក់ ។
គួររឮកផងដែរថា ការប្រឡងជាប់សញ្ញាប័ត្រមធ្យមសិក្សាទុតិយភូមិ ឆ្នាំសិក្សា ២០១៧-២០១៨ កាល ពីថ្ងៃទី២០-២១ ខែសីហា ឆ្នាំ២០១៨ មានមណ្ឌលប្រឡង នៅគ្រប់រាជធានី-ខេត្ត សរុប ១៩៦មណ្ឌល, បន្ទប់ ៤.៦៥៥បន្ទប់ និងបេក្ខជនចុះឈ្មោះក្នុងបញ្ជីប្រឡងសរុប ១១៥.២ ៦៨នាក់ ដែលក្នុងនោះ ៩០.១២០នាក់ ជាបេក្ខជនចំណេះទូទៅ១៧.០៣១នាក់ ជាបេក្ខជនស្វ័យរិន ៤.៤២៥នាក់ ជាបេក្ខជនបំពេញវិជ្ជា និង៣.៦៩២នាក់ ជាបេក្ខជនស្វ័យរិនបំពេញវិជ្ជា បេក្ខជន អវត្តមានចំនួន ១.៩០៣នាក់ ៕
ចែករំលែកព័តមាននេះ