រាជធានីភ្នំពេញ ៖ គណៈប្រតិភូជាន់ខ្ពស់សភាតំណាងប្រជាជនចិនទូទាំងប្រទេសនឹងធ្វើទស្សនៈកិច្ចនៅព្រះរាជាណាចក្រកម្ពុជា ។ យោងតាមសេចក្តីប្រកាសព័ត៌របស់អគ្គលេខាធិការដ្ឋានរដ្ឋសភា នៅថ្ងៃទី៣០ តុលាបានឲ្យដឹងតបតាមការអញ្ជើញរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជាគណៈប្រតិភូជាន់ខ្ពស់សភាតំណាងប្រជាជនចិនទូទាំងប្រទេស…
រាជធានីភ្នំពេញ ៖ គណៈប្រតិភូជាន់ខ្ពស់សភាតំណាងប្រជាជនចិនទូទាំងប្រទេសនឹងធ្វើទស្សនៈកិច្ចនៅព្រះរាជាណាចក្រកម្ពុជា ។ យោងតាមសេចក្តីប្រកាសព័ត៌របស់អគ្គលេខាធិការដ្ឋានរដ្ឋសភា នៅថ្ងៃទី៣០ តុលាបានឲ្យដឹងតបតាមការអញ្ជើញរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជាគណៈប្រតិភូជាន់ខ្ពស់សភាតំណាងប្រជាជនចិនទូទាំងប្រទេស ។
ដឹកនាំដោយលោក Zhang Chunxian អនុប្រធានសភាតំណាងប្រជាជនចិនទូទាំងប្រទេសនឹងអញ្ជើញមកបំពេញទស្សនកិច្ចជាផ្លូវការ និងមិត្តភាពនៅព្រះរាជាណាចក្រកម្ពុជារយៈពេល៤ថ្ងៃ គឺចាប់ពីថ្ងៃទី០១ ដល់ថ្ងៃទី០៤ ខែវិច្ឆិកា ឆ្នាំ២០១៨ ។
នៅក្នុងដំណើរទស្សនកិច្ចនេះគណៈប្រតិភូជាន់ខ្ពស់សភាតំណាងប្រជាជនចិនទូទាំងប្រទេសមានកម្មវិធីគ្រោងជួបសម្តែងការគួរសមជាមួយថ្នាក់ដឹកនាំសំខាន់ៗនៃព្រះរាជាណាចក្រកម្ពុជាដែលមានជាអាទិ៍ ជួបសម្តែងការគួរសម និងធ្វើសវនាការជាមូយសម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា ជួបសម្តែងការគួរសម និងធ្វើសវនាការជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា ជួបសម្តែងការគួរសម និងធ្វើសវនាការជាមូយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទស្សនាព្រះបរមរាជវាំងសារមន្ទីរជាតិ និងប្រាសាទមួយចំនួនក្នុងខេត្តសៀមរាប ៕
ចែករំលែកព័តមាននេះ