ខេត្តកំពត ៖ តាមសេចក្តីរាយការពីនគរបាលចរាចរក្រុងកំពតបានឲ្យដឹងថា មានករណីគ្រោះថ្នាក់ចរាចររវាងរថយន្ត និងរថយន្ត២គ្រឿងបានប៉ះគ្នាកាលពីវេលាម៉ោង១១និង០០នាទីយប់ ថ្ងៃទី២៩ ខែតុលា ឆ្នាំ ២០១៨ នៅត្រង់ចំណុចផ្លូវបំបែកជាបួន…
ខេត្តកំពត ៖ តាមសេចក្តីរាយការពីនគរបាលចរាចរក្រុងកំពតបានឲ្យដឹងថា មានករណីគ្រោះថ្នាក់ចរាចររវាងរថយន្ត និងរថយន្ត២គ្រឿងបានប៉ះគ្នាកាលពីវេលាម៉ោង១១និង០០នាទីយប់ ថ្ងៃទី២៩ ខែតុលា ឆ្នាំ ២០១៨ នៅត្រង់ចំណុចផ្លូវបំបែកជាបួន ក្បាលស្ពានព្រែកកំពង់បាយ ប៉ែកខាងកើត ស្ថិតក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត ។
ប្រភពដដែលបានឲ្យដឹងថា ក្នុងករណីកើតឡើងខាងលើគឺបង្កឡើងដោយរថយន្ត២គ្រឿង មួយគ្រឿងម៉ាកឡង់គ្រឺស្ស័រ ពណ៌ប្រផេះ ពាក់ផ្លាកលេខ ភ្នំពេញ 2J- 4437 បើកបរដោយឈ្មោះ សៀcក ចាន់ ភេទប្រុស អាយុ៥៤ឆ្នាំ (ស្នាក់នៅសាខាគយរដ្ឋាករខេត្ត) ស្ថិតក្នុងភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ខេត្តកំពត ។
ប្រភពដដែលបានបញ្ជាក់ថា រថយន្តឡង់គ្រឺស្ស័រក្រោយពីប៉ះគ្នារួចមិនបានឈប់នៅកន្លែងកើតហេតុនោះទេ គឺបានបើកគេចចេញពីកន្លែងកើតហេតុ ហើយដោយមានកម្លាំងអន្តរាគមន៍ពីនគរបាលចរាចរក្រុងតាមទើបមកឈប់នៅមុខហាងម៉ាស្សាខាងលិចគល់ស្ពានត្រើយខាងលិច(ទិសដៅពីកើតទៅលិច) ។
ចំណែករថយន្តកូរ៉ូឡា ពណ៌ទឹកប្រាក់ ពាក់ផ្លាកលេខ ភ្នំពេញ 2V-6873 អ្នកបើកបរមានឈ្មោះ នួន សំណាង ភេទប្រុស អាយុ២៦ឆ្នាំ រស់នៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត ដែលរងរបួសទាំងអ្នកបើកបរទាំងរថយន្តខូចខាតធ្ងន់ធ្ងរនោះបើកបរក្នុងទិសដៅពីត្បូងទៅជើង (រងរបួសត្រង់ត្រចៀកខាងស្តាំ) កំពុងសម្រាកព្យាបាលនៅមន្ទីរពេទ្យបង្អែកខេត្តកំពត ។
សមត្ថកិច្ចដដែលបានឲ្យដឹងថា ករណីជួបហេតុការគ្រោះថ្នាក់ចរាចរខាងលើសមត្ថកិច្ចមិនទាន់សន្និដ្ឋានថា រថយន្តមួយណាខុស និងរថយន្តមួយណាត្រូវនៅឡើយទេ ពីព្រោះចំណុចដែលកើតហេតុការខាងលើនៅត្រង់ផ្លូវបំបែកជាបួន ភាគីម្ខាងសុទ្ធតែសំអាងផ្លូវត្រង់ដូចគ្នាទើបបណ្តាលឲ្យជួបហេតការនេះឡើង ៕
ចែករំលែកព័តមាននេះ