ខេត្តស្ទឹងត្រែង ៖ នាព្រឹកថ្ងៃទី៣០ ខែតុលា ឆ្នាំ២០១៨ ក្នុងបន្ទប់ការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគរបាលខេត្តស្ទឹងត្រែងកម្លាំងការិយាល័យប្រឆាំងបទល្មើសគ្រឿងញៀនបានធ្វើការបង្ហាញមុខជនសង្ស័យម្នាក់ពាក់ព័ន្ធនឹងករណីរត់ពន្ធគ្រឿងញៀនឆ្លងដែនខុសច្បាប់ដែលសមត្ថកិច្ចធ្វើការបង្ក្រាបបានកាលពីថ្ងៃទី២៩ ខែតុលា ឆ្នាំ២០១៨ ។ ប្រភពព័ត៌មានអោយដឹងថា…
ខេត្តស្ទឹងត្រែង ៖ នាព្រឹកថ្ងៃទី៣០ ខែតុលា ឆ្នាំ២០១៨ ក្នុងបន្ទប់ការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគរបាលខេត្តស្ទឹងត្រែងកម្លាំងការិយាល័យប្រឆាំងបទល្មើសគ្រឿងញៀនបានធ្វើការបង្ហាញមុខជនសង្ស័យម្នាក់ពាក់ព័ន្ធនឹងករណីរត់ពន្ធគ្រឿងញៀនឆ្លងដែនខុសច្បាប់ដែលសមត្ថកិច្ចធ្វើការបង្ក្រាបបានកាលពីថ្ងៃទី២៩ ខែតុលា ឆ្នាំ២០១៨ ។
ប្រភពព័ត៌មានអោយដឹងថា កាលពីល្ងាចថ្ងៃទី២៩ ខែតុលា ឆ្នាំ២០១៨ កម្លាំងនគរបាលការិយាល័យ គ.៨ នៃមន្ទីរប្រឆាំងការជញដូរគ្រឿងញៀនក្រសួងមហាផ្ទៃរួមសហការកម្លាំងការិយាល័យប្រឆាំងការជួញដូរគ្រឿងញៀនស្នងការដ្ឋាននគរបាលខេត្តស្ទឹងត្រែងបានបង្ក្រាបជំនួញរត់ពន្ធគ្រឿងញៀនឆ្លងដែលដោយខុសច្បាប់ក្រោមវិធានញុះញ៉ុងអោយមានការទិញលក់ប្រព្រឹត្តនៅចំណុចវាលប៉ារ៉ា ស្ថិតក្នុងឃុំស្រែសំបូរ ស្រុកសៀមប៉ាង ខេត្តស្ទឹងត្រែង ដោយបានចាប់ខ្លួនបុរសម្នាក់ និងរឹបអូសថ្នាំញៀនចំនួន៥កញ្ចប់ធំជាប់នឹងខ្លួន ។
ប្រភពដដែលបន្តថា ជនសង្ស័យម្នាក់ឈ្មោះ ជួប បៀ ភេទប្រុស អាយុ៣០ឆ្នាំ មុខរបកសិកររស់នៅភូមិសំរោង ឃុំស្រែសំបូរ ស្រុសៀមប៉ាង ខេត្តស្ទឹងត្រែង ក្រោយចាប់ខ្លួនជនសង្ស័យរួមទាំងវត្ថុតាងជាក់ស្តែងក្រោមការសម្របសម្រួលពីព្រះរាជអាជ្ញាអបសាលាដំបូងខេត្តកម្លាំងសហការខាងលើបានបញ្ជូនជនសង្ស័យរួមជាមួយវត្ថុតាងទៅកាន់ស្នងការដ្ឋាននគរបាលខេត្តដើម្បីសាកសួរប្រភពពីក្រោយខ្នង និងកសាងសំណុំរឿងតាមនីតិវិធីច្បាប់ ៕
ចែករំលែកព័តមាននេះ