ខេត្តតាកែវ ៖ ជនសង្ស័យក្នុងករណីរំលោភសេពសន្ថវៈម្នាក់ត្រូវបានប៉ូលិសសំរោងចុះឃាត់ខ្លួនតាមពាក្យបណ្តឹងពីឪពុកម្តាយក្មេងស្រីរងគ្រោះ ។
ហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃទី២៩ ខែតុលា ឆ្នាំ២០១៨ ស្រុកសំរោង ខេត្តតាកែវ ។
ជនសង្ស័យឈ្មោះ ណុប វុត្ថា ហៅកប ភេទប្រុស អាយុ២៧ឆ្នាំ រស់នៅភូមិឃុំខាងលើ ។
លោកមឿង សារុន អធិការនគរបាលស្រុកសំរោងបានអោយដឹងថា ក្រោយពីទទួលបានពាក្យបណ្តឹងរបស់ឪពុកម្តាយក្មេងស្រីរងគ្រោះកាលពីថ្ងៃទី២៨ ខែតុលា មុនមួយថ្ងៃនៃការចាប់ខ្លួនជនសង្ស័យត្រូវបានឪពុករបស់ក្មេងស្រីរងគ្រោះឈ្មោះ ឈៀង បឿន អាយុ៣២ឆ្នាំ ប្តឹងចោទពីបទរំលោភសេពសន្ថវៈលើកូនស្រីរបស់គាត់ដែលមានអាយុ១៣ឆ្នាំ រស់នៅភូមិឃុំជាមួយគ្នា ដែលប្រព្រឹត្តកាលពីអំឡុងចុងខែកញ្ញា និងដើម
ខែតុលា ឆ្នាំ២០១៨។
ក្រោយទទួលពាក្យបណ្តឹង សមត្ថកិច្ចជំនាញនៃអធិការនគរបាលស្រុកសំរោងបានចុះឃាត់ខ្លួនជនសង្ស័យខាងលើយកមកអធិការដ្ឋាននគរបាលស្រុកកសាងសំណុំរឿងចាត់ការបន្ត ។
នៅចំពោះសមត្ថកិច្ច ជនសង្ស័យបាននិយាយសារភាពថា ខ្លួនពិតជាបានចាប់រំលោភក្មេងស្រីរងគ្រោះពិតប្រាកដមែន ។ មន្ត្រីការិយាល័យការពារនឹងប្រឆាំងកាជូញដូមនុស្សនឹងអនិថិជនខេត្តបានអោយដឹងថានៅពេលនេះកំលាំងជំនាញបានកសាងសំណុំរឿងដើម្បីបញ្ជូនជនសង្ស័យទៅកាន់សាលាដំបូងខេត្តចាត់ការទៅតាមច្បាប់ ៕
ចែករំលែកព័តមាននេះ