រាជធានីភ្នំពេញ ៖ ស្ត្រីវ័យក្មេងម្នាក់មានឈ្មោះ ពេជ្រ អាយុប្រហែល២១ទៅ២២ឆ្នាំ ស្រវឹងស្រាទាស់ពាក្យសំដីជាមួយកូនឈ្នួលដែលលក់ផ្កាអោយម្តាយខ្លួនក៏ខឹងចង់អោយគេសុំទោសគេអត់មកសុំទោសស្រាប់តែរករឿងបោះផ្កាទៅផ្លូវផ្អើលទៅដល់សមត្ថកិច្ចចុះមកអន្តរាគមន៍ កាលពីវេលាម៉ោង2រំលងអធ្រាត្រឈានចូលថ្ងៃទី៣០ ខែតុលា ឆ្នាំ២០១៨ តាមបណ្តោយផ្លូវ១៩៦ នៅចំណុចហាងលក់ផ្កាក្រោយវត្តប្រពុទ្ធយីហោ «ស្តង់អប្សរាផ្កាស្រស់» ស្ថិតនៅក្នុងសង្កាត់វាលវង់ ខណ្ឌ៧មករា ។
តាមប្រភពព័ត៌មានពីសាក្សីដែលនៅជុំវិញកន្លែងកើតហេតុបានអោយដឹងថា មុនពេលកើតហេតុស្ត្រីដែលបង្កហេតុខាងលើនេះបានអង្គុយផឹកស៊ីនៅមុខកន្លែងលក់ផ្កាមានគ្នា៣ទៅ៤នាក់ លុះពេលដែលគេស្រវឹងស្រាមិនដឹងថា ពួកគេទាស់ពាក្យសំដីគ្នារឿងអ្វីនោះទេ បានជាម្នាក់ឈ្មោះ ពេជ្រ នឹងខឹងកូនឈ្នួលដែលជួយលក់ផ្កាម្តាយរបស់ខ្លួនរហូតឈានទៅដល់ស្រែកឡូឡាផ្អើលអស់អ្នកជិតខាង និងទាញផ្កាឈូក និងផ្កាផ្សេងៗយកទៅបោះចោលទៅកណ្តាលផ្លូវ ។
រួចថែមទាំងបានចាប់ហែកឆត្រ និងផ្តួលចោលទៀតគ្រាន់តែចង់កូនឈ្នួលម្តាយខ្លួនសុំទោសតែមួយម៉ាត់តែប៉ុណ្ណោះ ក៏ផ្អើលទៅដល់សមត្ថកិច្ចមូលដ្ឋានចុះមកជួយធ្វើការសម្រប់សម្រួលអស់រយៈពេលជិតកន្លះម៉ោងទើបសមត្ថកិច្ចរួមនឹងអ្នកកាសែតជួយសម្រប់សម្រួលត្រូវ ។ ក្រោយពេលកើតហេតុខាងភាគីកូនឈ្នួលនោះសុខចិត្តចេញមកលត់ជង្គង់សុំទោសដើម្បីបញ្ចប់រឿងតែម្តង ៕
ចែករំលែកព័តមាននេះ