ខេត្តតាកែវ ៖ បុរស២នាក់ដែលគេស្គាល់ថា សុទ្ធសឹងជាអ្នកជក់ចិត្តនឹងស្រា.សមិនលស់ថ្ងៃនោះ បានបបួលគ្នាភ្នាល់ផឹកស្រា.ស រកអ្នកខ្លាំងអ្នកខ្សោយឱ្យដឹងម្តង ។ ទីបំផុត ម្នាក់បានស្លាប់នៅនឹងកន្លែង រីឯម្នាក់ទៀតត្រូវបានបញ្ជូនទៅសង្គ្រោះនៅឯប្រទេសវៀតណាម…
ខេត្តតាកែវ ៖ បុរស២នាក់ដែលគេស្គាល់ថា សុទ្ធសឹងជាអ្នកជក់ចិត្តនឹងស្រា.សមិនលស់ថ្ងៃនោះ បានបបួលគ្នាភ្នាល់ផឹកស្រា.ស រកអ្នកខ្លាំងអ្នកខ្សោយឱ្យដឹងម្តង ។ ទីបំផុត ម្នាក់បានស្លាប់នៅនឹងកន្លែង រីឯម្នាក់ទៀតត្រូវបានបញ្ជូនទៅសង្គ្រោះនៅឯប្រទេសវៀតណាម ។
ហេតុការណ៍គួរឱ្យហួសចិត្តនេះ បានកើតឡើងកាលពីថ្ងៃទី២៨ ខែតុលា វេលាម៉ោង៤និង៣០នាទីរសៀល នៅភូមិតាហៀន ឃុំព្រៃយុថ្កា ស្រុកកោះអណ្តែត ។ លោក ជា សុផាត អធិការនគរបាលស្រុកកោះអណ្តែត បានឱ្យដឹងថា បុរសទាំង២នាក់ ដែលភ្នាល់គ្នាផឹកស្រា.សនេះ ម្នាក់ឈ្មោះ ញ៉ាញ់ហេន អាយុ៤០ឆ្នាំ រស់នៅភូមិតាហៀន ឃុំព្រៃយុថ្កា បានស្លាប់នៅនឹងកន្លែង និងម្នាក់ទៀតឈ្មោះ ទូច តេង អាយុ៣៧ឆ្នាំ រស់នៅភូមិព្រៃបាយ ឃុំព្រៃយុថ្កា បានសន្លប់ និងត្រូវបានក្រុមគ្រួសារបញ្ជូនទៅសង្គ្រោះនៅឯប្រទេសវៀតណាម ។
លោកអធិការបន្តទៀត នៅពេលសួរនាំសាក្សីនានាត្រូវបានប្រាប់ថា នារសៀលថ្ងៃនោះ បុរសទាំង២នាក់បានបបួលគ្នាភ្នាល់ផឹកស្រា.ស ដើម្បីរកអ្នកខ្លាំង ហើយទីបំផុត ពួកគេម្នាក់ៗបានផឹកអស់ស្រាចំនួន២
លីត្រ ។ ដោយសារតែបរិមាណស្រាដ៏លើសលប់នេះ ក៏បណ្តាលឲ្យឈ្មោះ ញ៉ាញ់ ហេន ស្លាប់នៅនឹងកន្លែងតែម្តង ចំណែកឈ្មោះ ទូច តេង សន្លប់ និងត្រូវបានក្រុមគ្រួសារបញ្ជូនទៅសង្គ្រោះភ្លាមៗ ៕
ចែករំលែកព័តមាននេះ