ខេត្តស្ទឹងត្រែង ៖ ក្រោមការចង្អុលបង្ហាញពីនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ…
ខេត្តស្ទឹងត្រែង ៖ ក្រោមការចង្អុលបង្ហាញពីនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន បានចាត់តាំងនាយករងមន្ទីរចំនួន៣រូប មានលោកឧត្តមសេនីយ៍ទោ អ៊ឹង ហាវ លោកឧត្តមសេនីយ៍ទោ វ៉ាន់ កុសល និងលោកឧត្តមសេនីយ៍ទោ មាឃ ប៊ុនថុល ដឹកនាំកម្លាំងការិយាល័យទី៨ នៃមន្ទីរប្រឆាំងគ្រឿងញៀន បើកកិច្ចប្រតិបត្តិការមួយ បង្ក្រាបករណីឈ្មួញ ជួញដូរគ្រឿងញៀនឆ្លងដែនដោយខុសច្បាប់ ដែលឆ្លងកាត់នៅព្រំដែនកម្ពុជា.ឡាវ។
កិច្ចប្រតិបត្តិការនោះ បានធ្វើឡើង នៅវេលាម៉ោង៤ និង៣០នាទីរសៀល ថ្ងៃទី២៩ តុលា ២០១៨ នៅចំណុចវាលប៉ារ៉ា ភូមិសំរោង ឃុំស្រែសំបូរ ស្រុកសៀមប៉ាង ខេត្តស្ទឹងត្រែង។ ជាលទ្ធផលឃាត់ខ្លួនបានជនសង្ស័យឈ្មោះ ជួប ឌៀរ ភេទប្រុស អាយុ៣០ឆ្នាំ ជនជាតិខ្មែរ រស់នៅភូមិសំរោង ឃុំស្រែសំបូរ ស្រុកសៀមប៉ាង ខេត្តស្ទឹងត្រែង។
វត្ថុតាងចាប់យករួមមាន សារធាតុញៀនប្រភេទម៉េតំហ្វេតាមីន(ICE) ៥កញ្ចប់ធំ ស្មើទម្ងន់ប្រមាណជា៥គីឡូក្រាម។ ជនសង្ស័យ និងថ្នាំញៀនប្រមាណ៥ គីឡូក្រាមនោះ សមត្ថកិច្ចកំពុងឃាត់ និង រក្សារទុកនៅស្នងការដ្ឋាននគរបាលខេត្តស្ទឹងត្រែង ដើម្បីរង់ចាំចំណាត់ការតាមផ្លូវច្បាប់៕
ចែករំលែកព័តមាននេះ