ប្រទេសប្រេស៊ីល ៖ ក្រោយការរាប់សន្លឹកឆ្នោតរួចរាល់ប្រមាណជា៩០% បន្ទាប់ពីការបោះឆ្នោតប្រធានាធិបតីប្រេសលកាលពីថ្ងៃទី២៨ តុលា បេក្ខជនស្ដាំនិយមជ្រុលលោកJAIR BOLSONARO ដណ្ដើមបានជោគជ័យក្នុងការបោះឆ្នោតនោះ ជាមួយសំឡេង៥៦%។ ដូច្នេះលោកជាអ្នកជាប់ឆ្នោតបន្តតំណែងប្រធានាធិបតីប្រេស៊ីល…
ប្រទេសប្រេស៊ីល ៖ ក្រោយការរាប់សន្លឹកឆ្នោតរួចរាល់ប្រមាណជា៩០% បន្ទាប់ពីការបោះឆ្នោតប្រធានាធិបតីប្រេសលកាលពីថ្ងៃទី២៨ តុលា បេក្ខជនស្ដាំនិយមជ្រុលលោកJAIR BOLSONARO ដណ្ដើមបានជោគជ័យក្នុងការបោះឆ្នោតនោះ ជាមួយសំឡេង៥៦%។ ដូច្នេះលោកជាអ្នកជាប់ឆ្នោតបន្តតំណែងប្រធានាធិបតីប្រេស៊ីល ពីលោកMICHEL TEMER តាំងពីជុំទីមួយ ឈ្នះគូប្រជែងធ្វេងនិយមលោក FERNANDO HADDAD ដែលទទួលសំឡេងបានត្រឹម៤៤%។
ពលរដ្ឋប្រេស៊ីលពិតជាជ្រើសរើសការបិទទំព័រ នៃគណបក្សពលករ ជាគណបក្សរបស់លោក LULA និងលោកស្រី DILMA ROUSSEFF ជាប្រធានាធិបតីចុងក្រោយដែលទទួលបានការគាំទ្ររបស់អ្នកបោះឆ្នោតប្រេស៊ីល។
លើសពីរបត់មួយទៅទៀត ការឡើងកាន់អំណាចរបស់លោក JAIR BOLSONARO ប្រៀបដូចជាការរញ្ជួយខាងនយោបាយមួយ ក្នុងប្រទេសមានប្រជាជនច្រើនជាងគេបំផុតនៅអាមេរិកឡាទីននោះ។ មានគេលើកជាសំនួរថា តើរបបផ្ដាច់ការមួយនឹងកើតមាននៅប្រេស៊ីលវិញឬ ជាមួយការជាប់ឆ្នោតរបស់លោកJAIR BOLSONARO ? លោកជាអតីតទាហានសក្ដិ៣ម្នាក់របស់កងទ័ព ដែលនៅចងចាំជានិច្ចសម័យកាលដែលប្រេស៊ីល ស្ថិតក្រោមរបបផ្ដាច់ការយោធាមួយរវាងឆ្នាំ១៩៦៤និង១៩៨៥។
លោក BOLSONARO ពេលទៅបោះឆ្នោតប្រធានាធិបតីជុំទី១ បានកាន់កាំភ្លើងមួយដើមទៅជាមួយដែរ ខុសពីពួកអ្នកបោះឆ្នោតគាំទ្រគណបក្សធ្វេងនិយម ដែលកាន់សៀវភៅពេលទៅបោះឆ្នោត។ ជាប់ឆ្នោតកាន់អំណាចរយៈពេល៤ឆ្នាំ លោក BOLSONARO អាយុ៦៣ឆ្នាំ សន្យាធ្វើទាសករបម្រើរដ្ឋធម្មនុញ្ញហើយដឹកនាំប្រទេសជាមួយអំណាច ប៉ុន្តែពុំប្រកាន់លទ្ធិផ្ដាច់ការនិយមឡើយ។ វាមិនប្រាកដដែរដែលការអះអាងរបស់លោកត្រូវបានគោរពពេញលេញនោះ៕
ចែករំលែកព័តមាននេះ