ខេត្តខេត្តបន្ទាយមានជ័ ៖ ថវិកាចំនួនបីរយមួយលានប្រាំបីរយម្ភៃពាន់ពីររយសែសិបរៀលត្រូវបានបើកផ្តល់ជូនមន្ត្រីនគរបាលចូលនិវត្តន៍ចំនួន៥២នាក់ កាលពីចុងសប្តាហ៍នេះនៅស្នងការដ្ឋាននគរបាលខេត្ត ។ ពិធីនេះប្រព្រឹត្តទៅក្រោមអធិបតីភាពលោកឧត្តមសេនីយ៍ត្រីវង្ស វ៉ិត ស្នងការរងទទួលផែនធនធានមនុស្សតំណាងលោកឧត្តមសេនីយ៍ទោអាត់ ខែម ស្នងការនគរបាលខេត្តបន្ទាយមានជ័យ…
ខេត្តខេត្តបន្ទាយមានជ័ ៖ ថវិកាចំនួនបីរយមួយលានប្រាំបីរយម្ភៃពាន់ពីររយសែសិបរៀលត្រូវបានបើកផ្តល់ជូនមន្ត្រីនគរបាលចូលនិវត្តន៍ចំនួន៥២នាក់ កាលពីចុងសប្តាហ៍នេះនៅស្នងការដ្ឋាននគរបាលខេត្ត ។ ពិធីនេះប្រព្រឹត្តទៅក្រោមអធិបតីភាពលោកឧត្តមសេនីយ៍ត្រីវង្ស វ៉ិត ស្នងការរងទទួលផែនធនធានមនុស្សតំណាងលោកឧត្តមសេនីយ៍ទោអាត់ ខែម ស្នងការនគរបាលខេត្តបន្ទាយមានជ័យ និងមានការចូលរួមពីលោកវរសេនីយ៍ទោយី ប៊ុនរឿង ប្រធានការិយាល័យបុគ្គលិក។
លោកឧត្តមសេនីយ៍ត្រីវង្សវ៉ិត ស្នងការរងបានពាំនាំការផ្តាំផ្ញើសួរសុខទុក្ខពីសំណាក់ឯកឧត្តមនាយឧត្តមសេនីយ៍សន្តិបណ្ឌិតនេត សាវឿន អគ្គស្នងការនគរបាលជាតិពិសេស គឺលោកឧត្តមសេនីយ៍ទោ អាត់ ខែម តែងយកចិត្តទុកដាក់ពីកងកម្លាំងនគរបាលក្នុងខេត្តដែលបានខិតខំតស៊ូបម្រើជាតិ និងប្រជាពលរដ្ឋកន្លងមក ។
លោកឧត្តមសេនីយ៍ស្នងការរងបានបន្តថា អ្វីៗមិនអាចស្ថិតស្ថេរបានទេនៅក្នុងលោកយើងនេះទាំងមុខតំណែង តួនាទី និងការងារ គ្រាន់តែមុន និងក្រោយប៉ុណ្ណោះដូចជា រៀបច្បង បងប្រុស បងស្រី នាពេលនោះ ដល់គម្រប់អាយុចូលនិវត្តន៍រាជរដ្ឋាភិបាលក៏ដូចជា ក្រសួងមហាផ្ទៃ និងអគ្គស្នងការនគរបាលជាតិ បានឲ្យបងៗចូលនិវត្តសម្រាកពីការងារ ។ នាថ្ងៃនេះដែរដោយមានការយកចិត្តទុកដាក់ពីប្រមុខរាជរដ្ឋាភិបាលដែលមានសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដឹងពីគុណបំណាច់របស់បងៗដែលធ្លាប់បានបម្រើការងារ ការពារសន្តិសុខ សណ្តាប់ធ្នាប់ និងសុវត្ថិភាពជូនប្រជាពលរដ្ឋ និងមាតុភូមិកន្លងមក ។
ដូច្នេះ ដើម្បីជាការឆ្លើយតប និងគុណូបការៈនេះរាជរដ្ឋាភិបាលកម្ពុជាបានបើកផ្តល់ជូននូវថវិកាគោលនយោបាយដល់និវត្តន៍ជនទាំង៥២រូប ។ ទន្ទឹមនោះដែរជាចុងក្រោយលោកឧត្តមសេនីយ៍ស្នងការរងបានសំណូមពរដល់រៀមច្បងទាំងអស់ ថ្វីត្បិតបងៗចូលនិវត្តន៍ហើយក្តីសុំឲ្យចូលរួមសហការជាមួយកងកម្លាំងនគរបាល និងបន្តផ្តល់រាល់បណ្តាព័ត៌មានទាំងឡាយដែលទាក់ទងនឹងសញ្ហាសន្តិសុខ ដើម្បីរក្សាភូមិ-ឃុំ មានសុវត្ថិភាពផងដែរ៕
ចែករំលែកព័តមាននេះ