រាជធានីភ្នំពេញ ៖ នាយកអង្គការ WWF កម្ពុជាបានអះអាងថា ក្នុងរយៈពេលពីរឆ្នាំចុងក្រោយនេះចំនួនសត្វផ្សោតទន្លេមេគង្គបានកើនឡើងពីចំនួន៨០ក្បាល ទៅ៩២ក្បាល ដែលចំនួននេះគឺជាកំណើនដំបូងបង្អស់ក្នុងកំណត់ត្រាស្រាវជ្រាវ ចាប់តាំងពីជាង២០ឆ្នាំមុននេះ ។…
រាជធានីភ្នំពេញ ៖ នាយកអង្គការ WWF កម្ពុជាបានអះអាងថា ក្នុងរយៈពេលពីរឆ្នាំចុងក្រោយនេះចំនួនសត្វផ្សោតទន្លេមេគង្គបានកើនឡើងពីចំនួន៨០ក្បាល ទៅ៩២ក្បាល ដែលចំនួននេះគឺជាកំណើនដំបូងបង្អស់ក្នុងកំណត់ត្រាស្រាវជ្រាវ ចាប់តាំងពីជាង២០ឆ្នាំមុននេះ ។
លោក សេង ទៀក នាយកអង្គការ WWF កម្ពុជាថា ក្នុងឆ្នាំ២០១៥សត្វផ្សោតទន្លេមេគង្គមានប្រហែល២០០ក្បាល ហើយបានថយចុះមកនៅត្រឹមចំនួន៨០ក្បាល ដោយសារតែការជាប់មង និងបាត់បង់ជម្រករបស់វា ។ ប៉ុន្តែបើតាមការសិក្សាស្រាវជ្រាវឆ្នាំ២០១៧ បានបង្ហាញថា សត្វផ្សោតទន្លេមេគង្គបានកើនឡើងដល់ចំនួន៩២ក្បាល ។
ក្នុងទិវាសត្វផ្សោតទន្លេមេគង្គនៅខេត្តក្រចេះ កាលពីចុងសប្តាហ៍កន្លងទៅឯកឧត្តម អេង ជាសាន ប្រតិភូរាជរដ្ឋាភិបាលទទួលបន្ទុកជាប្រធាននាយកដ្ឋានជលផលបានអះអាងថា ក្រសួងកសិកម្មរុក្ខាប្រមាញ់ និងនេសាទ និងស្ថាប័នពាក់ពន្ឋផ្សេងទៀតបានប្ដេជ្ញាខិតខំអភិរក្សសត្វផ្សោតដ៏កម្រនេះ ដើម្បីឱ្យមានការកើនឡើងវិញ តាមរយៈការលុបបំបាត់នូវរាល់ការគំរាមកំហែងនានាលើសត្វផ្សោតទាំងនោះ ។ ចាប់ពីខែមករា ដល់ខែតុលា ឆ្នាំ២០១៨ ចំនួនសត្វផ្សោតបានស្លាប់ចំនួន៥ក្បាល និងសត្វផ្សោតកើនថ្មីចំនួន៩ក្បាល ៕
ចែករំលែកព័តមាននេះ