ខេត្តឧត្តរមានជ័យ ៖ ប្រជាពលរដ្ឋបានប្រទះឃើញសពបុរសម្នាក់ដេកស្លាប់នៅផ្លូវលំមួយខ្សែក្បែរប្រឡាយទឹក កាលពីវេលាម៉ោងប្រមាណ៧នឹង៨យប់ថ្ងៃទី២៨ តុលា ២០១៨ ស្ថិតនៅភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ។…
ខេត្តឧត្តរមានជ័យ ៖ ប្រជាពលរដ្ឋបានប្រទះឃើញសពបុរសម្នាក់ដេកស្លាប់នៅផ្លូវលំមួយខ្សែក្បែរប្រឡាយទឹក កាលពីវេលាម៉ោងប្រមាណ៧នឹង៨យប់ថ្ងៃទី២៨ តុលា ២០១៨ ស្ថិតនៅភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ។
ជនរងគ្រោះដែលស្លាប់ឈ្មោះដុស ដេតប្រុស ភេទប្រុស អាយុ៣៤ឆ្នាំ រស់នៅភូមិស្រែប្រាំង ឃុំជើងទៀន ស្រុកចុងកាល់ ខេត្តឧត្ដរមានជ័យ។
ប៉ូលិសស្រុកចុងកាល់បានឱ្យដឹងថា ប្រជាពលរដ្ឋបានរាយការណ៍មកសមត្ថកិច្ចថា ពួកគាត់បានប្រទះឃើញមនុស្សម្នាក់ដេកស្លាប់នៅលើផ្លូវលំមួយខ្សែក្បែរប្រឡាយទឹក ក្រោយពីបានទទួលនូវព័ត៌មានខាងលើរួចមក កំលាំងប៉ូលិសជំនាញបានចុះទៅដល់ចំណុចកើតហេតុ ក៏ឃើញជនរងគ្រោះដេកស្លាប់ផ្កាប់មុខ ហើយសមត្ថកិច្ចបានធ្វើកោសល្យវិច្ចយ័ពិនិត្យ និងធ្វើការសន្និដ្ឋានថា ជនរងគ្រោះដែលស្លាប់នេះមិនមែនជាករណីឃាតកម្មនោះទេ គឺជារឿងគ្រោះថ្នាក់ចរាចរណ៍។
ប៉ូលិសបានបញ្ជាក់ថា យោងទៅលើប្រជាពលរដ្ឋដែលបានស្គាល់ជនរងគ្រោះបានឱ្យដឹងថា ជនរងគ្រោះជាមនុស្សវិកលចរឹត ដើរពុំមានគោលដៅ ត្រូវបានរថយន្តមិនស្គាល់ម៉ាកបុកស្លាប់ប្រមាណជាម៉ោង៧ទៅ៨យប់ ។
ក្រោយពីបានធ្វើកោសល្យវិច្ចយ័រួចមក សមត្ថកិច្ចបានប្រគល់សពទៅឱ្យក្រុមគ្រួសារ នឹងសាច់ញាតិយកទៅធ្វើបុណ្យទៅតាមប្រពៃណី៕
ចែករំលែកព័តមាននេះ