ខេត្តស្វាយរៀង ៖ សូមមើលទិដ្ឋភាពបាញ់កាំជ្រួច ពេលយប់នៅទន្លេវ៉ៃគោ និងការកកស្ទះចរាចរណ៍ នៅលើកំណាត់ផ្លូវជាតិលេខ១ ចាប់ពីរង្វល់មូលរូបគោ សង្កាត់ព្រៃឆ្លាក់រហូតដល់ច្រមុះជ្រូករូបចម្លាក់គោនៅភូមិថ្មី ចាប់ពីម៉ោង៥និង០០នាទីល្ងាច ដល់ម៉ោង១១និង១០នាទីយប់នាថ្ងៃទី២៨ តុលា ២០១៨កន្លងទៅ ។
ដោយមានកំណើននៃអ្នកធ្វើដំណើរមកចូលរួមទស្សនាពិធីប្រណាំងទូក និងមើលពិធីបាញ់កាំជ្រួចការកកស្ទះចរាចរណ៍នេះ ដោយមានមនុស្សរាប់ម៉ឺននាក់ដើរ និងឈរទស្សនាតាមដងផ្លូវ និងច្រាំងទន្លេ ហើយអ្នកធ្វើដំណើរមកពីតាមបណ្តាស្រុក និងក្រុងបាវិតមកកាន់ក្រុងស្វាយរៀងទស្សនាតន្ត្រីស្រុកស្រែនៃទូរទស្សបាយ័នប្រគុំនៅរង្វង់មូលវិមានឯករាជ្យ ខេត្តស្វាយរៀង ។
បើតាមមន្ត្រីរដ្ឋបាលសាលាខេត្តបង្ហើបឲ្យឃើញថា មានមន្ត្រីរាជការប្រជាពលរដ្ឋមកកម្សាន្តក្នុងពិធីប្រណាំងទូកងរ និងមើលការបាញ់កាំជ្រូច និងមើលកាប្រគុំតន្ត្រីនាពេលយប់មានមនុស្សជាង១០ម៉ឺននាក់ ច្រើនជាងឆ្នាំ២០១៧ ។ ដោយមានក្រុមហ៊ុន និងអាជីវករដាក់តាំងពិពណរណ៍លក់ផលិតផលបញ្ចុះតម្លៃមានលក់ចំណីអាហារច្រើន ធ្វើឲ្យមនុស្សម្នាមកចូលរួមដើរកំសាន្តច្រើន និងទិញអីវ៉ាន់ផងដែរ ។
ប្រជាពលរដ្ឋសប្បាយរីករាយដោយមិនមានការភ័យខ្លាចអំពីសុវត្ថិភាព គឺមានសមត្ថកិច្ចការពារសន្តិសុខ សុវត្ថិភាពសណ្តាប់ធ្នាប់បានល្អដែលមានកម្លាំងកងរាជអាវុធហត្ថ និងនគបាលទូទាំងខេត្តមកការពារជាង៥០០នាក់ ទើបការពារសន្តិសុខ សណ្តាប់ធ្នាប់បានល្អ ប្រកបដោយមោទនភាព និងរីករាយក្រៃលែង ៕
ចែករំលែកព័តមាននេះ