ខេត្តមណ្ឌលគិរី ៖ តាមសេចក្តីរាយការណ៍បឋមបានឲ្យដឹងថា ក្មេងប្រុសអាយុជាង១០ឆ្នាំម្នាក់បានរងនូវការកាប់ប្រហារសុះសាច់មើលសពមិនស្គាល់ ។ ករណីនេះត្រូវគេប្រទះឃើញសពនៅម៉ោង៦ល្ងាច ថ្ងៃទី២៨ ខែតុលា ឆ្នាំ២០១៨ ចំណុចវាលស្រែ ស្ថិតក្នុងភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី ។
សេចក្តីរាយការណ៍បានបន្តថា ករណីខាងលើនេះសង្ស័យថា ជាអំពើឃាតកម្មព្រោះសាកសពត្រូវគេប្រទះឃើញមានការកាប់ចិញ្ចាំជនរងគ្រោះធ្លាយពោះ និងកាប់លើផ្នែកក្បាលមុខមាត់មើលសឹងតែមិនស្គាល់ ។
នគរបាលមូលដ្ឋានបានបានប្រាប់ថា ជនរងគ្រោះជាក្មេងប្រុសអាយុ១១ឆ្នាំ ជាខ្មែរលើព្នង មានឈ្មោះចូច លៀន មានទីលំនៅក្បែរកន្លែងកើតហេតុ ។ នគរបាលថា កំពុងកំណត់មុខសញ្ញាដើម្បីឈានទៅរកការចាប់ខ្លួនជនដៃដល់ក្នុងអំពើឃាតកម្មយ៉ាងសាហាវនេះ ៕
ចែករំលែកព័តមាននេះ