ខេត្តកណ្តាល ៖ អំពើហិង្សាមួយបានកើតឡើងបណ្តាលអោយម្តាយចុងរងរបួសធ្ងន់ ខណៈជនសង្ស័យជាកូនចុងយកកាំបិតចាក់ដោយហេតុខឹងបណ្តាលឱ្យម្តាយចុងដែលយកឪពុកខ្លួន(ឪពុកបង្កើតជនបង្ក) ។ ហេតុការណ៍នេះបានកើតឡើងនៅថ្ងៃទី២៨ ខែតុលា ឆ្នាំ២០១៨ វេលាម៉ោង១០និង៣០នាទី ចំណុចភូមិព្រែកក្របៅទី១…
ខេត្តកណ្តាល ៖ អំពើហិង្សាមួយបានកើតឡើងបណ្តាលអោយម្តាយចុងរងរបួសធ្ងន់ ខណៈជនសង្ស័យជាកូនចុងយកកាំបិតចាក់ដោយហេតុខឹងបណ្តាលឱ្យម្តាយចុងដែលយកឪពុកខ្លួន(ឪពុកបង្កើតជនបង្ក) ។ ហេតុការណ៍នេះបានកើតឡើងនៅថ្ងៃទី២៨ ខែតុលា ឆ្នាំ២០១៨ វេលាម៉ោង១០និង៣០នាទី ចំណុចភូមិព្រែកក្របៅទី១ ឃុំព្រែកអំពិល ស្រុកខ្សាច់កណ្តាល ខេត្តកណ្តាល ។
ជនរងគ្រោះឈ្មោះ យ៉ុន គម ភេទស្រី អាយុ៤៨ឆ្នាំ ជនជាតិខ្មែរ មុខរបរទិញអេតចាយ ស្រុកកំណើតភូមិត្រពាំងធំ ឃុំពានរោង ស្រុកស្វាយអន្ទរ ខេត្តព្រៃវែង បច្ចុប្បន្នស្នាក់នៅមានទីលំនៅភូមិព្រែកក្របៅទី១ ឃុំព្រែកអំពិល ស្រុកខ្សាច់កណ្តាល ខេត្តកណ្តាល (ម្តាយចុង) មានរបួសស្នាមត្រង់ពោះ១កន្លែង ។
ចំណែកជនសង្ស័យឈ្មោះ យ៉េង ហ៊ាន់ ភេទប្រុស អាយុ២៧ឆ្នាំ ជនជាតិខ្មែរ មុខរបរកម្មករសំណង់ ស្រុកកំណើតភូមិព្រៃរូង ឃុំពានរោង ស្រុកស្វាយអន្ទរ ខេត្តព្រៃវែង បច្ចុប្បន្នស្នាក់នៅមានទីលំនៅភូមិព្រែកក្របៅទី១ ឃុំព្រែកអំពិល ស្រុកខ្សាច់កណ្តាល ខេត្តកណ្តាល ត្រូវជាកូនដើម ។
នគរបាលបានអោយដឹងថា ជាយូរមកហើយឪពុកជនសង្ស័យឈ្មោះ យួន យ៉េង បានយកឈ្មោះ យ៉ុន គម ធ្វើជាប្រពន្ធចុង និងបានរួមរស់ជាមួយប្រពន្ធដើមឈ្មោះ សន យាប ហើយសព្វថ្ងៃបានមកជួលផ្ទះនៅភូមិ-ឃុំកើតហេតុដើម្បីប្រកបរបរទិញអេតចាយ ព្រមទាំងរស់នៅក្នុងផ្ទះតែមួយទាំងអស់គ្នា ។
នៅថ្ងៃទី២៨ ខែតុលា ឆ្នាំ២០១៨ វេលាម៉ោង៩និង០០នាទីព្រឹក ជនសង្ស័យបានយកផ្លែល្ហុងទៅគប់ជញ្ជាំងផ្ទះ ពេលនោះឈ្មោះ ចាន់ ជឿន ជាបងថ្លៃជនសង្ស័យបានទៅសួរនាំក៏មានទំនាស់ជាមួយគ្នាបន្ទាប់មកជនសង្ស័យបានចូលដេកក្នុងផ្ទះ ឯឈ្មោះ ចាន់ ជឿន បានទៅរៀបអេតចាយនៅមុខផ្ទះ ។
ដល់ម៉ោង១១និង០០នាទី ថ្ងៃដដែល ឈ្មោះ យ៉ុន គម ជាម្តាយចុងរបស់ជនសង្ស័យត្រឡប់មកពីទិញអេតចាយមកដល់ផ្ទះ ហើយយកកំប៉ុងទឹកដោះគោរបស់ចៅទៅលាងនៅក្រោយផ្ទះ ស្រាប់តែជនសង្ស័យយកកាំបិតត្នោតពីលើគ្រែក្បាលដំណេករបស់ខ្លួនទៅចាក់ជនរងគ្រោះត្រូវចំពោះចំនួន១កាំបិត បណ្តាលឲ្យមានរបួសហូរឈាម បន្ទាប់មកជនសង្ស័យកាន់កាំបិតដើរទៅមុខផ្ទះដោយនិយាយថា «ហ្នឹងហើយងែងយកប្តីម៉ែអញ» ។
ឯជនរងគ្រោះត្រូវបានប្តី និងកូនបញ្ជូនទៅព្យាបាលរបួសនៅមន្ទីរពេទ្យកាល់ម៉ែត និងរាយការណ៍ជូនកម្លាំងនគរបាលប៉ុស្តិ៍ព្រែកអំពិល កម្លាំងនគរបាលប៉ុស្តិ៍ចុះអន្តរាគមន៍ឃាត់ខ្លួនជនសង្ស័យបញ្ជូនទៅអធិការដ្ឋាននគរបាលស្រុកខ្សាច់កណ្តាលដើម្បីចាត់ការតាមនីតិវិធី ៕
ចែករំលែកព័តមាននេះ