ប្រទេសស៊ីរី ៖ មេដឹកនាំរុស្ស៊ី តួកគី បារាំងនិងអាល្លឺម៉ង់ កាលពីថ្ងៃទី២៦តុលារនាឱកាសនៃការជួបគ្នាកំពូលមួយស្ដីពីស៊ីរីនៅទីក្រុងអ៊ីស្តង់ប៊ុល បានអំពាវនាវឲ្យរក្សាទុកបទឈប់បាញ់គ្នាដែលមានជាធរមាននៅខេត្តអ៊ីដលីបកាន់កាប់ដោយពួកឧទ្ទាម ព្រមទាំងឲ្យមានដំណោះស្រាយនយោបាយមួយនៃជម្លោះ ដែលបំផ្លិចបំផ្លាញស៊ីរីចាប់តាំងពីឆ្នាំ២០១១មក។ ការជួបគ្នាកំពូលនោះបានទទូចលើសារសំខាន់នៃបទឈប់បាញ់គ្នា…
ប្រទេសស៊ីរី ៖ មេដឹកនាំរុស្ស៊ី តួកគី បារាំងនិងអាល្លឺម៉ង់ កាលពីថ្ងៃទី២៦តុលារនាឱកាសនៃការជួបគ្នាកំពូលមួយស្ដីពីស៊ីរីនៅទីក្រុងអ៊ីស្តង់ប៊ុល បានអំពាវនាវឲ្យរក្សាទុកបទឈប់បាញ់គ្នាដែលមានជាធរមាននៅខេត្តអ៊ីដលីបកាន់កាប់ដោយពួកឧទ្ទាម ព្រមទាំងឲ្យមានដំណោះស្រាយនយោបាយមួយនៃជម្លោះ ដែលបំផ្លិចបំផ្លាញស៊ីរីចាប់តាំងពីឆ្នាំ២០១១មក។
ការជួបគ្នាកំពូលនោះបានទទូចលើសារសំខាន់នៃបទឈប់បាញ់គ្នា ដ៏ស្ថិតស្ថេរមួយនៅអ៊ីដលីប ហើយគូសបញ្ជាក់ពីភាពចាំបាច់បន្តការតស៊ូប្រឆាំងភេរវកម្ម។នេះបើតាមសេចក្ដីថ្លែងការណ៍ចុងក្រោយមួយអានក្រោយការជួបគ្នាកំពូលនោះ ដោយប្រធានាធិបតីតួកគីលោករីស៊ីបតៃយីបអ័រដូហ្គាន។
ការជួបគ្នាកំពូលសម្ដែងការអបអរសាទរដល់ការរីកចម្រើននានាដែលសម្រេចបាននៅអ៊ីដលីបភាគពាយ័ព្យស៊ីរី ទាក់ទិនដល់ការបង្កើតតំបន់ហាមមិនឲ្យមានយោធាមួយ និងការដកថយរបស់បណ្ដាក្រុមរ៉ាឌីកាល់ចេញពីតំបន់នោះ យោងទៅតាមកិច្ចព្រមព្រៀងមួយ រវាងតួកគីនិងរុស្ស៊ីចុះហត្ថលេខាកាលពីខែកញ្ញា។
ម្យ៉ាងវិញទៀតលោកអ័រដូហ្គាន ប្រធានាធិបតីរុស្ស៊ីលោកវ្ល៉ាឌីមៀរពូទីន ប្រធានាធិបតីបារាំងលោក EMMANUEL MACRONនិងអធិការបតីអាល្លឺម៉ង់លោកស្រីអេនហ្សឺឡាម័រកែលអះអាងពីការប្ដេជ្ញាចិត្ត ធ្វើការរួមគ្នាដើម្បីបង្កើតលក្ខខណ្ឌនានាឲ្យមានសន្តិភាពនិងសន្តិសុខនៅស៊ីរី ហើយជួយទ្រទ្រង់ដល់ដំណោះស្រាយនយោបាយមួយ រួចពង្រឹងកុងសង់ស៊ុសអន្តរជាតិចំពោះរឿងនោះ។
ចំណែកលោកស្រីម័រកែលអះអាងថា ក្នុងករណីមានការបោះឆ្នោត នោះគឺពលរដ្ឋស៊ីរីទាំងក្នុងនិងទាំងក្រៅប្រទេស ជាអ្នកសម្រេចលើជោគវាសនារបស់លោកបាចាអាល់អាសាដ។យើងត្រូវបោះជំហានទៅមុខក្នុងដំណើរការ នយោបាយដែលនឹងនាំទៅរកការបោះឆ្នោតដោយសេរី បើកចំហសម្រាប់ពលរដ្ឋស៊ីរីទាំងអស់ក្នុងនោះមានទាំងពលរដ្ឋស៊ីរីរស់នៅក្រៅប្រទេសផង៕
ចែករំលែកព័តមាននេះ